ప్రపంచ టెస్ట్ ఛాంపియన్‌షిప్ (World Test Championship – WTC) 2025–27లో ఆస్ట్రేలియా (Australia) దూసుకుపోతోంది. దక్షిణాఫ్రికాపై తొలి టెస్టులో భారీ విజయం సాధించి పాయింట్ల పట్టికలో (Points Table) అగ్రస్థానాన్ని మరింత పటిష్ఠం చేసుకుంది. మరోవైపు, టీమిండియా ఐదో స్థానంలో కొనసాగుతోంది. మరి భారత్ (India) ఫైనల్‌కు చేరాలంటే ఏం చేయాలి?
డర్బన్‌లోని (Durban) కింగ్స్‌మీడ్ (Kingsmead) వేదికగా జరిగిన తొలి టెస్టులో(First Test) ఆస్ట్రేలియా 214 పరుగుల తేడాతో దక్షిణాఫ్రికాను (South Africa) ఓడించింది. దీంతో మూడు టెస్టుల సిరీస్‌లో 1–0 ఆధిక్యంలో నిలిచింది. మెట్ రెన్‌షా బ్యాటింగ్‌లో రాణించగా, జోష్ హేజిల్‌వుడ్ బౌలింగ్‌తో ఆకట్టుకున్నాడు. ఈ విజయంతో ఆసీస్ ఖాతాలో మరో 12 డబ్ల్యూటీసీ పాయింట్లు చేరాయి.
డబ్ల్యూటీసీ పాయింట్ల పట్టికలో(WTC Points Table) ఆస్ట్రేలియా 81.82 శాతం పాయింట్లతో మొదటి స్థానంలో ఉంది. న్యూజిలాండ్ 72.22 శాతంతో రెండో స్థానంలో కొనసాగుతోంది. దక్షిణాఫ్రికా 60 శాతంతో మూడో స్థానంలో ఉండగా, బంగ్లాదేశ్ 55.56 శాతంతో నాలుగో స్థానాన్ని దక్కించుకుంది.
భారత్ 51.52 శాతం పాయింట్లతో ఐదో స్థానంలో ఉంది. ఇంగ్లాండ్ 38.54 శాతంతో ఆరో స్థానంలో, శ్రీలంక 33.33 శాతంతో ఏడో స్థానంలో ఉన్నాయి. వెస్టిండీస్ 20.83 శాతంతో ఎనిమిదో స్థానంలో ఉండగా, పాకిస్థాన్ 4.63 శాతంతో చివరి స్థానంలో కొనసాగుతోంది.
2027 ప్రపంచ టెస్ట్ ఛాంపియన్‌షిప్ ఫైనల్‌కు లీగ్ దశ ముగిసే సమయానికి పాయింట్ల శాతంలో అగ్రస్థానాల్లో నిలిచిన రెండు జట్లు అర్హత సాధిస్తాయి. దీంతో ప్రతి టెస్టులో గెలుపు జట్లకు కీలకంగా మారనుంది.
ప్రస్తుతం ఐదో స్థానంలో ఉన్న భారత్ ఫైనల్ రేసులో ముందుకు వెళ్లాలంటే రాబోయే మ్యాచ్‌ల్లో మెరుగైన ప్రదర్శన చేయాల్సి ఉంటుంది. మరోవైపు, ఆస్ట్రేలియా తన అగ్రస్థానాన్ని నిలబెట్టుకునే ప్రయత్నంలో ఉంది. టోర్నీ ముగిసే నాటికి పాయింట్ల పట్టికలో ఎలాంటి మార్పులు చోటుచేసుకుంటాయో చూడాలి.
