వైభవ్ సూర్యవంశీ(Vaibhav Suryavanshi) పేరు చెబితే ముందుగా గుర్తొచ్చేది అతడి బ్యాటింగ్(Batting). బ్యాట్‌తో ఎన్నో రికార్డులు బద్దలు కొట్టిన ఈ 15 ఏళ్ల యువ సంచలనం.. ఇప్పుడు బంతితోనూ (Bowling) తన సత్తా ఏంటో చూపిస్తున్నాడు. దులీప్ ట్రోఫీ (Duleep Trophy) క్వార్టర్ ఫైనల్‌లో ఈస్ట్ జోన్ తరఫున బరిలోకి దిగిన వైభవ్.. నార్త్ ఈస్ట్ జోన్ (North East Zone) రెండో ఇన్నింగ్స్‌లో ఒకే ఓవర్‌లో 2 వికెట్లు తీసి అదరగొట్టాడు.
ఈ మ్యాచ్‌లో తొలుత నార్త్ ఈస్ట్ జోన్ 111 పరుగులకే తొలి ఇన్నింగ్స్‌ను ముగించింది. అనంతరం ఈస్ట్ జోన్ బ్యాటర్లు చెలరేగడంతో 467 పరుగుల భారీ స్కోరు సాధించింది. దీంతో నార్త్ ఈస్ట్ జోన్ ఫాలోఆన్ (Follow-on) ఆడాల్సి వచ్చింది. రెండో ఇన్నింగ్స్‌లోనూ ఆ జట్టుకు కష్టాలు తప్పలేదు. వరుసగా వికెట్లు కోల్పోతూ తీవ్ర ఒత్తిడిలో చిక్కుకుంది.
ఈ పరిస్థితుల్లో బౌలింగ్‌కు వచ్చిన వైభవ్ సూర్యవంశీ తన స్పిన్ మాయాజాలాన్ని(Spin Magic) చూపించాడు. 27వ ఓవర్‌లో బంతి అందుకున్న వైభవ్.. రెండో బంతికే కిషన్ లింగ్డోను 25 పరుగుల వ్యక్తిగత స్కోరు వద్ద ఔట్ చేశాడు. అదే ఓవర్ ఐదో బంతికి ఇమ్లివాటి లెమ్టూర్‌ను (Imlivati Lemtur) కూడా పెవిలియన్‌కు పంపించాడు. దీంతో ఒకే ఓవర్‌లో 2 వికెట్లు తీసి సత్తా చాటాడు.
Vaibhav Sooryavanshi provides Double Delight ✌️
— BCCI Domestic (@BCCIdomestic) August 25, 2026
Picks up 2⃣ wickets in the over. 2 excellent catches as well. 🙌
North East Zone are 79/7 in the 2nd innings after following on.
Scorecard ▶️ https://t.co/XJFhfvvTIU#DuleepTrophy pic.twitter.com/NnYbBPnrja
మొత్తంగా వైభవ్ 3 ఓవర్లు బౌలింగ్ చేసి కేవలం 11 పరుగులు మాత్రమే ఇచ్చి 2 వికెట్లు పడగొట్టాడు. అయితే బ్యాటింగ్‌లో మాత్రం ఈ యువ ఆటగాడు నిరాశపరిచాడు. ఈస్ట్ జోన్ తొలి ఇన్నింగ్స్‌లో 6 బంతులు ఎదుర్కొన్న వైభవ్.. 8 పరుగులు చేసి ఔటయ్యాడు.
మరోవైపు నార్త్ ఈస్ట్ జోన్ రెండో ఇన్నింగ్స్‌లో 102 పరుగులకే 8 వికెట్లు కోల్పోయి పీకల్లోతు కష్టాల్లో పడింది. దీంతో దులీప్ ట్రోఫీ (Duleep Trophy) క్వార్టర్ ఫైనల్‌లో ఈస్ట్ జోన్ పూర్తి ఆధిపత్యం కొనసాగిస్తోంది. ఇప్పటివరకు బ్యాట్‌తో మెరిసిన వైభవ్.. ఇప్పుడు బంతితోనూ ఆకట్టుకోవడంతో అతడి ఆల్‌రౌండ్ ప్రతిభపై ప్రశంసలు వెల్లువెత్తుతున్నాయి.
