కూటమి పాలనలో స్వేచ్ఛా, సాధికారత, భద్రత కోల్పోయిన మహిళ?

మహిళకు ఎక్కడైతే స్వేచ్ఛా సాధికారత (Freedom & Empowerment) ఉంటుందో అక్కడ ఆ రాష్ట్రం అభివృద్ధి పథంలో ముందుంటుందని రాజకీయ పార్టీలు తరచూ చెబుతుంటాయి. “యత్ర నార్యస్తు పూజ్యంతే రమంతే తత్ర దేవతాః” (Yatra Naryastu Pujyante Ramante Tatra Devataah) — స్త్రీలు (Women) ఎక్కడ గౌరవించబడతారో అక్కడ దేవతలు కొలువై ఉంటారని వేదాలు (Vedas), పురాణాల్లో (Puranas) చెప్పిన సూక్తి. స్త్రీని శక్తిగా పూజించడం భారతీయ సంస్కృతి అని ఎంతోమంది పండితులు తమ ప్రవచనాల్లో చెబుతుంటారు. అయితే అలాంటి స్త్రీ రాష్ట్రంలో కూటమి ప్రభుత్వ (Alliance Government) పాలనలో నిత్యం మోసగింపబడుతోందనే బలమైన విమర్శలు ప్రజల నుండి వినిపిస్తున్నాయి.

కూటమి అధికారంలోకి రావడానికి ఎన్నికల ముందు మహిళలను ఉద్ధరిస్తామని చెప్పి ఎన్నో హామీలు (Promises) ఇచ్చారని, కానీ రెండేళ్ల పాలన పూర్తవుతున్నా ఇప్పటికీ కనీసం ఒక్క హామీ కూడా చెప్పినట్టుగా సంపూర్ణంగా నెరవేర్చలేదని ప్రశ్నలు వినిపిస్తున్నాయి. ఇది స్త్రీలను మోసం చేయడం కాదా అని ప్రజలు ప్రశ్నిస్తున్నారు. ఎన్నికల ముందు మహిళల కోసం సూపర్ సిక్స్ పేరుతో పెద్ద పెద్ద హామీలు ఇచ్చిన ముఖ్యమంత్రి చంద్రబాబు గారు (Chief Minister Nara Chandrababu Naidu), డిప్యూటీ సీఎం పవన్ కళ్యాణ్ (Deputy Chief Minister Pawan Kalyan) గారు అధికారంలోకి వచ్చిన తర్వాత మాత్రం మహిళలను పూర్తిగా మోసం చేశారని విమర్శలు వినిపిస్తున్నాయి.

ఆడబిడ్డ నిధి పేరుతో (Aadabidda Nidhi Scheme) ఒక మోసం, 50 ఏళ్లకే మహిళలకు పెన్షన్ పేరుతో మరో మోసం, తల్లికి వందనం పథకంలో (Talliki Vandanam Scheme) భారీ కోతలు విధించి మరో మోసం, ఉచిత బస్సు ప్రయాణం పేరుతో కోతలు పెట్టి మరో మోసం, దీపం-2 పథకంలో (Deepam-2 Scheme) భారీ కటింగులు విధించి నమ్మించి మోసం చేయడం దారుణమని మహిళలు అంటున్నారు. హామీల మాటున మోసం చేయడం చంద్రబాబు గారికి వెన్నతో పెట్టిన విద్య అని మహిళలు ఎద్దేవా చేస్తున్నారు.

అలాగే శాంతి భద్రతల విషయానికి వస్తే కూటమి నేతలే కీచకుల్లా మారి మహిళలను వంచిస్తుంటే, కనీసం వారిపై చర్యలు తీసుకోకపోగా బాధిత మహిళలనే వేధించడం దారుణమైన చర్య కాదా అని ప్రశ్నిస్తున్నారు. జనసేన ఎమ్మెల్యే అరవ శ్రీధర్ (Jana Sena MLA Arava Sridhar) మహిళను మోసం చేశారని ఆరోపణలు వచ్చినా అతనిపై చర్యలు తీసుకోకుండా బాధిత మహిళపై కేసులు పెట్టడం దుర్మార్గమైన చర్య కాదా అని ప్రశ్నిస్తున్నారు. అలాగే మరో జనసేన నేత కిరణ్ రాయల్ (Jana Sena Leader Kiran Royal) విషయంలోనూ మహిళను కేసులతో వేధించారని, గుంటూరు ఎమ్మెల్యే నజీర్ విషయంలోనూ మరో మైనారిటీ మహిళను టార్గెట్ చేశారని, కూన రవికుమార్ విషయంలో ఒక మహిళా ప్రిన్సిపాల్‌కు వేధింపులు జరిగాయని ఆరోపణలు ఉన్నాయని చెబుతున్నారు. ఇలా చెప్పుకుంటూ పోతే రాష్ట్రంలో ప్రజా ప్రతినిధుల వల్ల మహిళలు తీవ్రమైన వేధింపులు ఎదుర్కొంటున్నారా అనే ప్రశ్నలు వస్తున్నాయని అంటున్నారు.

రాష్ట్రంలో పసిపాపల నుండి పండుముసలి వరకు మహిళలపై అత్యాచారాలు జరుగుతుంటే, రాష్ట్రంలో ఒక మహిళ హోం మంత్రిగా ఉన్నా తీసుకున్న చర్యలు శూన్యమని విమర్శలు వస్తున్నాయి. మహిళల భద్రత కోసం వచ్చిన దిశా యాప్‌ను గత ప్రభుత్వం తెచ్చిందనే కారణంతో నిర్వీర్యం చేసి మహిళల భద్రతను దెబ్బతీశారని కూడా విమర్శిస్తున్నారు. దీంతో 7 ఏళ్ల పసిపాప వాసంతి మృతదేహాన్ని కూడా ఇప్పటివరకు కనుగొనలేని పరిస్థితిలో ప్రభుత్వం ఉందని మహిళా సంఘాలు చెబుతున్నాయి. అధికారంలోకి వస్తే కఠిన చట్టాలు తీసుకొస్తానని చెప్పిన డిప్యూటీ సీఎం పవన్ కళ్యాణ్ రాష్ట్రంలో మహిళలపై ఇన్ని అఘాయిత్యాలు జరుగుతుంటే కనీసం స్పందించకపోవడం ఆయన వైఖరిని బయటపెడుతోందని విమర్శిస్తున్నారు. ఇలాంటి పరిస్థితుల్లో ఇకపై మహిళలు వీరిని నమ్మే పరిస్థితి లేదని కూడా కొందరు అంటున్నారు.