బీఆర్ఎస్ (BRS) ఎమ్మెల్యే హరీష్ రావు (Harish Rao) ముఖ్యమంత్రి రేవంత్ రెడ్డి (Revanth Reddy) తీరుపై తీవ్రస్థాయిలో విమర్శలు గుప్పించారు. జగిత్యాల సభలో కేసీఆర్ (KCR) చేసిన వ్యాఖ్యలపై సీఎం (CM) స్పందించిన విధానాన్ని తప్పుబట్టిన ఆయన, రేవంత్ రెడ్డికి కడుపుమంట, అక్కసు తప్ప మరేమీ లేదని వ్యాఖ్యానించారు.
ఢిల్లీ పర్యటనపై స్పష్టత
తన ఢిల్లీ (Delhi) పర్యటనపై సీఎంవో(CMO) నుంచి వస్తున్న వార్తలను హరీష్ రావు ఖండించారు. తన పర్యటనలో ఎలాంటి రహస్యం లేదని, ఫిరాయింపుల కేసుపై న్యాయ నిపుణులతో చర్చించేందుకే ఢిల్లీకి వెళ్లినట్లు తెలిపారు. అందరి ముందే శంషాబాద్ విమానాశ్రయం (Shamshabad Airport) నుంచి ప్రయాణించానని, దొంగచాటుగా వెళ్లలేదని స్పష్టం చేశారు.
జగిత్యాల (Jagtial), కాటారం సభలతో ప్రజలకు స్పష్టత వచ్చిందని హరీష్ రావు అన్నారు. తెలంగాణ కోసం తపించే నాయకుడు కేసీఆర్ (KCR) అని, చిల్లర మాటలు మాట్లాడేది రేవంత్ రెడ్డి అని ప్రజలకు తెలిసిపోయిందన్నారు. వచ్చే ఎన్నికల్లో మళ్లీ బీఆర్ఎస్ ప్రభుత్వమే వస్తుందని ధీమా వ్యక్తం చేశారు.
రహస్య భేటీలు రేవంత్కే అలవాటు
రేవంత్ రెడ్డిపై ఎదురుదాడి చేస్తూ హరీష్ రావు సంచలన వ్యాఖ్యలు చేశారు. రహస్య భేటీలు చేయడం తనకు అలవాటు లేదని, రాత్రి ఒకరిని కలిసి ఉదయం మరొకరిని కలవడం రేవంత్ రెడ్డికే వెన్నతో పెట్టిన విద్య అని ఎద్దేవా చేశారు. పనిలేని వారే తన పర్యటనలపై అవాస్తవాలు ప్రచారం చేస్తున్నారని మండిపడ్డారు.
