కృష్ణా జిల్లా (Krishna District) గన్నవరం మండలం బాపులపాడు పరిధిలోని హనుమాన్ జంక్షన్లో (Hanuman Junction) చోటుచేసుకున్న దారుణ ఘటన స్థానికంగా తీవ్ర ఉద్రిక్తతకు దారితీసింది. హెచ్ మార్ట్ యజమాని వడ్డీ క్రాంతి కిరణ్ను (Vaddi Kranthi Kiran) కారుతో ఢీకొట్టి హత్య చేసిన సంఘటన ప్రజలను ఉలిక్కిపడేలా చేసింది. ఇంటికి వెళ్తున్న సమయంలో ద్విచక్ర వాహనంపై ప్రయాణిస్తున్న క్రాంతి కిరణ్ను వెనుక నుండి ఉద్దేశపూర్వకంగా కారుతో ఢీకొట్టినట్లు కుటుంబ సభ్యులు ఆరోపిస్తున్నారు.
ఈ ఘటనకు పాత కక్షలే కారణమని తెలుస్తోంది. హనుమాన్ జంక్షన్కు చెందిన జనసేన కార్యకర్త రామినేని రామకృష్ణ (Ramineni Ramakrishna) ఈ దాడికి పాల్పడ్డాడని ఆరోపణలు వినిపిస్తున్నాయి. ప్రమాదం జరిగిన వెంటనే క్రాంతి కిరణ్ అక్కడికక్కడే మృతి చెందడంతో ప్రాంతంలో భయాందోళనలు నెలకొన్నాయి.
ఈ సంఘటన నేపథ్యంలో రాష్ట్రంలో శాంతి భద్రతల పరిస్థితిపై ప్రజల్లో ఆందోళనలు వ్యక్తమవుతున్నాయి. అధికారంలో ఉన్న రాజకీయ వర్గాలకు చెందిన కార్యకర్తలు పాత విభేదాలను హింసాత్మక చర్యల రూపంలో బయటపెడుతున్నారా అనే సందేహాలు వ్యక్తమవుతున్నాయి. జిల్లాల వారీగా ఇలాంటి ఘటనలు చోటుచేసుకుంటుండటం వల్ల ప్రభుత్వ యంత్రాంగం స్పందనపై కూడా ప్రశ్నలు తలెత్తుతున్నాయి.
