ఆంధ్రప్రదేశ్లోని (Andhra Pradesh) ప్రముఖ పుణ్యక్షేత్రం తిరుమల (Tirumala) శ్రీ వేంకటేశ్వరస్వామి ఆలయానికి (Sri Venkateswara Swamy Temple) వెళ్లే భక్తులకు (Devotees) తిరుమల తిరుపతి దేవస్థానం (TTD) కీలక ప్రకటన చేసింది. ఆగస్టు నెలకు సంబంధించిన వివిధ దర్శన టికెట్లు (Darshan Tickets), సేవా టోకెన్లను (Seva Tokens) ఇవాళ ఆన్లైన్లో విడుదల చేయనున్నట్లు వెల్లడించింది. దీంతో భక్తులు ముందుగానే సిద్ధంగా ఉండాలని టీటీడీ అధికారులు సూచించారు.
టీటీడీ విడుదల చేసిన షెడ్యూల్ ప్రకారం ఇవాళ ఉదయం 10 గంటలకు అంగప్రదక్షిణ టోకెన్లు (Angapradakshinam Tokens) అందుబాటులోకి రానున్నాయి. అనంతరం ఉదయం 11 గంటలకు శ్రీవాణి దర్శన టికెట్లను విడుదల చేయనున్నారు. అలాగే మధ్యాహ్నం 3 గంటలకు వయోవృద్ధులు, వికలాంగుల ప్రత్యేక దర్శన టోకెన్లను ఆన్లైన్లో అందుబాటులో ఉంచనున్నట్లు అధికారులు తెలిపారు.
మరోవైపు తిరుమలలో భక్తుల రద్దీ రోజురోజుకూ పెరుగుతోంది. ప్రస్తుతం వైకుంఠం క్యూ కాంప్లెక్స్లోని అన్ని కంపార్టుమెంట్లు పూర్తిగా నిండిపోయాయి. దీంతో అనేక మంది భక్తులు బయట ఉన్న క్యూలైన్లలో వేచి ఉండాల్సిన పరిస్థితి ఏర్పడింది.
టీటీడీ తెలిపిన వివరాల ప్రకారం టోకెన్ లేని భక్తులకు సర్వదర్శనానికి సుమారు 15 గంటల సమయం పడుతోంది. దీంతో భక్తులు తమ ప్రయాణ ప్రణాళికలను ముందుగానే సిద్ధం చేసుకోవాలని అధికారులు సూచిస్తున్నారు.
ఇక నిన్న ఒక్కరోజే 87,689 మంది భక్తులు శ్రీవారిని దర్శించుకున్నారు. అలాగే 44,476 మంది భక్తులు తలనీలాలు సమర్పించారు. శ్రీవారి హుండీ ఆదాయం రూ.4.29 కోట్లకు చేరినట్లు టీటీడీ వెల్లడించింది.
