ఆంధ్రప్రదేశ్లో (Andhra Pradesh) నిర్వహించిన డీఎస్సీ(DSC) నియామకాలపై ఆరోపణలు రోజురోజుకూ రాజకీయంగా వేడెక్కుతున్నాయి. డీఎస్సీ పేపర్ లీకేజీ(Paper Leakage), స్పోర్ట్స్ కోటాలో(Sports Quota) పోస్టుల విక్రయం, నియామకాల్లో అక్రమాలు జరిగాయంటూ వైఎస్సార్సీపీ(YSRCP) యువజన, విద్యార్థి విభాగాలు రాష్ట్రవ్యాప్తంగా కలెక్టరేట్ల ముట్టడి కార్యక్రమాలు చేపట్టాయి. డీఎస్సీ వ్యవహారంపై సీబీఐ(CBI) విచారణ జరిపించాలని, విద్యాశాఖ మంత్రి నారా లోకేష్(Nara Lokesh) రాజీనామా చేయాలని డిమాండ్ చేస్తూ పలు జిల్లాల్లో భారీ ర్యాలీలు, నిరసనలు నిర్వహించాయి.
తూర్పుగోదావరి జిల్లా రాజమండ్రిలో బొమ్మూరులోని పార్టీ కార్యాలయం నుంచి కలెక్టరేట్ వరకు భారీ ర్యాలీ నిర్వహించారు. ఈ సందర్భంగా వైఎస్సార్సీపీ నేత వేణుగోపాలకృష్ణ (Venugopala Krishna) మాట్లాడుతూ, ఇది మెగా డీఎస్సీ(Mega DSC) కాదని, “దగా డీఎస్సీ”(Fraud DSC)గా మారిందని ఆరోపించారు. పోస్టుల విక్రయం జరిగిందని, స్పోర్ట్స్ కోటా అభ్యర్థులను మోసం చేశారని పేర్కొంటూ పూర్తిస్థాయి సీబీఐ విచారణ జరగాలని డిమాండ్ చేశారు.
గుంటూరులో వైఎస్సార్సీపీ విద్యార్థి విభాగం అధ్యక్షుడు చైతన్య (Chaitanya) డీఎస్సీలో భారీ అవినీతి జరిగిందని ఆరోపిస్తూ నిరుద్యోగులకు న్యాయం చేయాలని కోరారు. మాజీ మంత్రి అంబటి రాంబాబు (Ambati Rambabu) మాట్లాడుతూ, డీఎస్సీపై వస్తున్న ఆరోపణలకు మంత్రి లోకేష్ (Lokesh) ఎందుకు సమాధానం చెప్పడం లేదని ప్రశ్నించారు. అక్రమాలపై సీబీఐ విచారణ జరిపించి నిజాలు వెలికితీయాలని డిమాండ్ చేశారు.
కృష్ణా జిల్లా మచిలీపట్నంలో యువజన విభాగం ఆధ్వర్యంలో నిర్వహించిన ఛలో కలెక్టరేట్ కార్యక్రమంలో పేర్ని కిట్టు (Perni Kittu) మాట్లాడుతూ, స్పోర్ట్స్ కోటాలో డబ్బులు తీసుకుని ఉద్యోగాలు ఇచ్చారని ఆరోపించారు. డీఎస్సీ అక్రమాలపై తమ పోరాటం కొనసాగుతుందని, నిరుద్యోగులకు న్యాయం జరిగే వరకు వెనక్కి తగ్గబోమని స్పష్టం చేశారు.
విశాఖపట్నంలో వైఎస్సార్సీపీ నేత జక్కంపూడి రాజా (Jakkampudi Raja) మాట్లాడుతూ, డీఎస్సీ అక్రమాలపై ఉప ముఖ్యమంత్రి పవన్ కళ్యాణ్ ఎందుకు స్పందించడం లేదని ప్రశ్నించారు. డీఎస్సీ పేరుతో భారీ స్థాయిలో అవినీతి జరిగిందని, స్పోర్ట్స్ కోటా ఉద్యోగాల విక్రయానికి సంబంధించిన ఆరోపణలపై సీబీఐ విచారణకు ప్రభుత్వం సిద్ధపడాలని డిమాండ్ చేశారు.
అనంతపురంలో వైఎస్సార్సీపీ యువజన విభాగం ఆధ్వర్యంలో కలెక్టరేట్ ముట్టడి కార్యక్రమం నిర్వహించారు. విద్యార్థులు, యువజన నాయకులు పెద్ద సంఖ్యలో పాల్గొని డీఎస్సీ అక్రమాలపై సీబీఐ విచారణ జరిపించాలని, బాధ్యులపై చర్యలు తీసుకోవాలని కోరారు. విద్యాశాఖ మంత్రి నారా లోకేష్ను పదవి నుంచి తొలగించాలని డిమాండ్ చేశారు.
తిరుపతిలో పద్మావతిపురం నుంచి కలెక్టరేట్ వరకు భూమన అభినయ్ రెడ్డి (Bhumana Abhinay Reddy) నేతృత్వంలో బైక్ ర్యాలీ నిర్వహించారు. డీఎస్సీ అక్రమాలపై సీబీఐ విచారణ జరిపించాలని, టీచర్ పోస్టుల విక్రయం వల్ల మెరిట్ విద్యార్థులకు అన్యాయం జరిగిందని ఆరోపించారు. మంత్రి లోకేష్ రాజీనామా చేయాలని నినాదాలు చేశారు.
రాష్ట్రవ్యాప్తంగా జరిగిన ఈ నిరసనలతో డీఎస్సీ వ్యవహారం రాజకీయంగా మరింత చర్చనీయాంశంగా మారింది. ఆరోపణలపై ప్రభుత్వం ఎలా స్పందిస్తుందన్నది ఇప్పుడు ఆసక్తికరంగా మారింది.
