హైదరాబాద్లో (Hyderabad) తెలంగాణ రాష్ట్ర ఆవిర్భావ దినోత్సవ (Telangana State Formation Day) వేడుకల సందర్భంగా తెలంగాణ భవన్లో (Telangana Bhavan) బీఆర్ఎస్ (BRS) వర్కింగ్ ప్రెసిడెంట్ కేటీఆర్ (KTR) జాతీయ జెండాను ఆవిష్కరించారు. అనంతరం పార్టీ శ్రేణులను ఉద్దేశించి మాట్లాడిన ఆయన రాష్ట్రంలోని కాంగ్రెస్ ప్రభుత్వంపై (Congress Government) తీవ్ర స్థాయిలో విమర్శలు గుప్పించారు. ఒకప్పుడు అభివృద్ధి(Development), సంక్షేమానికి (Welfare) ఆదర్శంగా నిలిచిన తెలంగాణ ప్రస్తుతం సంక్షోభ పరిస్థితులను ఎదుర్కొంటోందని ఆవేదన వ్యక్తం చేశారు.
తెలంగాణ ఉద్యమ స్ఫూర్తిని ప్రజల్లో నింపేందుకు బీఆర్ఎస్ అధినేత కేసీఆర్(KCR) ఎన్నో పాటలు రచించారని కేటీఆర్ గుర్తు చేశారు. ఉద్యమం (Movement) ప్రారంభం నుంచి రాష్ట్ర సాధన వరకు కేసీఆర్ అనేక పాత్రలు పోషించారని, తెలంగాణ కోసం తన జీవితాన్నే అంకితం చేశారని చెప్పారు. “తెలంగాణ వచ్చుడో.. కేసీఆర్ సచ్చుడో” అనే నినాదంతో ఉద్యమాన్ని ముందుకు నడిపి ప్రత్యేక రాష్ట్రాన్ని సాధించారని పేర్కొన్నారు.
కేసీఆర్ జీవిత కథ ఆధారంగా సినిమా తీయాలని ఓ దర్శకుడు తనను సంప్రదించిన విషయాన్ని కేటీఆర్ వెల్లడించారు. అయితే కాళేశ్వరం ప్రాజెక్టు (Kaleshwaram Project) పూర్తయిన తర్వాత ఆ విషయంపై ఆలోచిద్దామని కేసీఆర్ చెప్పారని తెలిపారు. తెలంగాణ ఆవిర్భావం అనేది ఎన్నో ప్రతికూల పరిస్థితులను అధిగమించి సాధించిన చారిత్రక విజయమని ఆ దర్శకుడు అభిప్రాయపడ్డారని చెప్పారు. కేసీఆర్ అనే 3 అక్షరాల పేరు ముందు ముఖ్యమంత్రి (Chief Minister) అనే పదవి చాలా చిన్నదిగా కనిపిస్తుందని ఆయన వ్యాఖ్యానించినట్లు వెల్లడించారు.
ప్రస్తుత తెలంగాణ పరిస్థితులపై ఆందోళన వ్యక్తం చేసిన కేటీఆర్, “పుష్కర తెలంగాణ ఇప్పుడు ముష్కరుల తెలంగాణగా మారిపోయింది. నిష్ఫల తెలంగాణగా మారింది” అని తీవ్ర వ్యాఖ్యలు చేశారు. తెలంగాణ కోసం పదవిని మాత్రమే కాకుండా అవసరమైతే ప్రాణత్యాగానికీ సిద్ధపడ్డ నాయకుడు కేసీఆర్ అని కొనియాడారు. నల్లగొండ జిల్లాలో ఫ్లోరైడ్ సమస్యతో (Fluoride Problem) ఇబ్బందులు పడిన ప్రజలకు స్వచ్ఛమైన తాగునీరు (Safe Drinking Water) అందించి వేలాది కుటుంబాల జీవితాల్లో మార్పు తీసుకొచ్చిన నాయకుడు కేసీఆర్ కాదా అని ప్రశ్నించారు.
రాష్ట్ర అభివృద్ధికి కేసీఆర్ చేసిన సేవలను కొందరు ఉద్దేశపూర్వకంగా విస్మరిస్తున్నారని ఆరోపించిన కేటీఆర్, రాజకీయ పరిస్థితులపైనా స్పందించారు. 2014, 2018 ఎన్నికల్లో బీఆర్ఎస్ ఒంటరిగానే విజయం సాధించిందని, 2023 ఎన్నికల్లో కూడా ఒంటరిగానే పోటీ చేసి స్వల్ప తేడాతో ఓటమి పాలైందని తెలిపారు. కాంగ్రెస్ పార్టీ (Congress Party) అడ్డదారిలో (Indirectly) అధికారంలోకి వచ్చిందని ఆరోపిస్తూ, ప్రస్తుతం రాష్ట్రాన్ని వెనక్కి నెట్టే విధంగా పాలన సాగుతోందన్నారు.
ముఖ్యమంత్రి (Chief Minister) రేవంత్ రెడ్డిపై (Revanth Reddy) విమర్శలు చేసిన కేటీఆర్, గ్యారంటీల హామీలతో అధికారంలోకి వచ్చిన కాంగ్రెస్ ప్రభుత్వం రాష్ట్ర ఆర్థిక వ్యవస్థను, పరిపాలనా వ్యవస్థను దెబ్బతీస్తోందని ఆరోపించారు. “వడ్డించిన విస్తరి లాంటి తెలంగాణను కుక్కలు చింపిన విస్తరిగా మార్చుతున్నారు” అంటూ తీవ్ర వ్యాఖ్యలు చేశారు. సంక్షేమం, అభివృద్ధిలో దేశానికి ఆదర్శంగా నిలిచిన తెలంగాణ ప్రస్తుతం సంక్షోభంలో చిక్కుకుపోయిందన్నారు.
అయితే ఈ పరిస్థితులు శాశ్వతం కాదని, 2028 డిసెంబర్లో మళ్లీ కేసీఆర్(KCR) ముఖ్యమంత్రిగా (Chief Minister) బాధ్యతలు చేపడతారని ధీమా వ్యక్తం చేశారు. తెలంగాణ ప్రజలు మరోసారి బీఆర్ఎస్కు అవకాశం ఇస్తారని ఆశాభావం వ్యక్తం చేస్తూ పార్టీ శ్రేణులు మరింత కష్టపడి పనిచేయాలని పిలుపునిచ్చారు.
