మామిళ్లపల్లి (Mamillapalli) ఘటనలో పోలీసుల దౌర్జన్యానికి గురయ్యామని ఆరోపిస్తున్న మహిళా రైతులు (Women Farmers) ఢిల్లీలోని (Delhi) జాతీయ మహిళా కమిషన్, ఎస్సీ కమిషన్, జాతీయ మానవ హక్కుల సంఘాలను కలిసి ఫిర్యాదు చేశారు. పొన్నూరు వైఎస్సార్సీపీ ఇన్ఛార్జ్ అంబటి మురళీకృష్ణ (Ambati Murali Krishna) నేతృత్వంలో బాధిత మహిళలు తమపై జరిగిన ఘటనలను కమిషన్లకు వివరించారు.
మహిళా రైతులు మీడియాతో మాట్లాడుతూ, తాము పండించిన మొక్కజొన్నకు (Maize) గిట్టుబాటు ధరలు (Remunerative Prices) లేకపోవడంతో గోదాములో నిల్వ చేసుకున్నామని తెలిపారు. ఆ సమయంలో స్థానిక టీడీపీ నాయకుల ఆదేశాలతో కొందరు దాడి చేశారని, దాడిని అడ్డుకోవాల్సిన పోలీసులు తమపై బలప్రయోగం చేశారని ఆరోపించారు. రోప్లతో లాగి కిందపడేసి కొట్టారని, అసభ్యకరంగా ప్రవర్తిస్తూ బెదిరించారని మహిళలు కన్నీటి పర్యంతమయ్యారు.
మహిళలమని కూడా చూడకుండా పోలీసులు అమానుషంగా వ్యవహరించారని, తమపై ఎస్సీ, ఎస్టీ అట్రాసిటీ కేసులు నమోదు చేశారని వారు వాపోయారు. ఘటనకు సంబంధించిన వీడియో ఆధారాలను కమిషన్లకు సమర్పించినట్లు తెలిపారు. బాధితుల వాదనలు విన్న కమిషన్ ప్రతినిధులు ఘటనపై సమగ్ర విచారణ జరిపి తగిన చర్యలు తీసుకుంటామని హామీ ఇచ్చినట్లు వెల్లడైంది.
ఈ వ్యవహారంపై వైఎస్సార్సీపీ ఎంపీ డాక్టర్ తనూజారాణి (Dr. Tanuja Rani) నేతృత్వంలో రాజ్యసభ ఎంపీ గొల్ల బాబురావు(Golla Babu Rao), అంబటి మురళీకృష్ణ (Ambati Murali Krishna) తదితరులు జాతీయ మానవ హక్కుల సంఘం చైర్మన్ జస్టిస్ వి. రామసుబ్రమణియన్(Justice V. Ramasubramanian), జాతీయ మహిళా కమిషన్ చైర్మన్ విజయ కిశోర్ రహత్కర్, ఎస్సీ కమిషన్ చైర్మన్ కిశోర్ మక్వానాలను (Kishor Makwana) కలిసి ఫిర్యాదు చేశారు.
అంబటి మురళీకృష్ణ మాట్లాడుతూ, మహిళా రైతులపై నమోదు చేసిన కేసులను వెంటనే ఉపసంహరించుకోవాలని, దాడికి బాధ్యులైన పోలీసులపై కఠిన చర్యలు తీసుకోవాలని డిమాండ్ చేశారు. మొక్కజొన్న రైతులకు గిట్టుబాటు ధర కల్పించడంలో ప్రభుత్వం విఫలమైందని, రైతుల సమస్యలపై ప్రభుత్వం స్పందించాలని కోరారు. వైఎస్ జగన్ (YS Jagan) ఆదేశాల మేరకు వివిధ జాతీయ కమిషన్లను ఆశ్రయించినట్లు ఆయన తెలిపారు.
