ఆంధ్రప్రదేశ్(Andhra Pradesh) ప్రభుత్వం పరిపాలనా అవసరాల దృష్ట్యా పలువురు ఐపీఎస్(IPS Officers) అధికారులను బదిలీ (Transfer) చేస్తూ కీలక ఉత్తర్వులు జారీ చేసింది. రాష్ట్ర పోలీసు శాఖలో పరిపాలనా వ్యవస్థను మరింత సమర్థవంతంగా నిర్వహించేందుకు ఈ మార్పులు చేపట్టినట్లు అధికారికంగా వెల్లడించింది. బదిలీ అయిన అధికారులకు తక్షణమే కొత్త పోస్టింగ్లు కల్పిస్తూ ప్రభుత్వం ఆదేశాలు జారీ చేసింది.
ఈ ఉత్తర్వుల ప్రకారం చింతపల్లి (Chintapalli) ఏఎస్పీగా విధులు నిర్వహిస్తున్న నవజ్యోతి మిశ్రాను మార్కాపురం (Markapuram) జిల్లాలో ఓఎస్డీ (అడ్మిన్)గా నియమించారు. అలాగే కాకినాడ ఏఎస్పీగా పనిచేస్తున్న పాటిల్ దేవ్రాజ్ మనీష్ను తూర్పు గోదావరి జిల్లా రాజమహేంద్రవరంలో అదనపు ఎస్పీ (అడ్మిన్)గా బదిలీ చేశారు.
నంద్యాల ఏఎస్పీగా ఉన్న మండా జవాలి అల్ఫోన్స్ను పోలవరం జిల్లాలో ఓఎస్డీ (అడ్మిన్)గా నియమించారు. రాజంపేట ఏఎస్పీగా పనిచేస్తున్న మనోజ్ రామనాథ్ హెగ్డేను అమరావతిలో ఓఎస్డీ (లా అండ్ ఆర్డర్)గా పోస్టింగ్ ఇచ్చారు.
తాడిపత్రి ఏఎస్పీగా విధులు నిర్వహిస్తున్న రోహిత్ కుమార్ చౌదరిని పల్నాడు జిల్లాలో అదనపు ఎస్పీ (అడ్మిన్)గా బదిలీ చేశారు. జంగారెడ్డిగూడెం ఏఎస్పీగా ఉన్న సుస్మితను నంద్యాల ఏఎస్పీగా నియమిస్తూ ప్రభుత్వం ఉత్తర్వులు జారీ చేసింది.
- నవజ్యోతి మిశ్రా – చింతపల్లి ఏఎస్పీ నుంచి మార్కాపురం జిల్లా ఓఎస్డీ (అడ్మిన్)
- పాటిల్ దేవ్రాజ్ మనీష్ – కాకినాడ ఏఎస్పీ నుంచి తూర్పు గోదావరి జిల్లా రాజమహేంద్రవరం అదనపు ఎస్పీ (అడ్మిన్)
- మండా జవాలి అల్ఫోన్స్ – నంద్యాల ఏఎస్పీ నుంచి పోలవరం జిల్లా ఓఎస్డీ (అడ్మిన్)
- మనోజ్ రామనాథ్ హెగ్డే – రాజంపేట ఏఎస్పీ నుంచి అమరావతి ఓఎస్డీ (లా అండ్ ఆర్డర్)
- రోహిత్ కుమార్ చౌదరి – తాడిపత్రి ఏఎస్పీ నుంచి పల్నాడు జిల్లా అదనపు ఎస్పీ (అడ్మిన్)
- సుస్మిత – జంగారెడ్డిగూడెం ఏఎస్పీ నుంచి నంద్యాల ఏఎస్పీ
ఈ బదిలీలకు సంబంధించిన అన్ని పరిపాలనా చర్యలను వెంటనే పూర్తి చేసి ప్రభుత్వానికి నివేదిక సమర్పించాలని డైరెక్టర్ జనరల్ ఆఫ్ పోలీస్ను ప్రభుత్వం ఆదేశించింది. కొత్తగా నియమితులైన అధికారులు వీలైనంత త్వరగా తమ బాధ్యతలు స్వీకరించేలా చర్యలు తీసుకోవాలని సంబంధిత అధికారులకు సూచనలు జారీ చేసింది.
