కేంద్ర మంత్రిగా, బీజేపీ(BJP) సీనియర్ నాయకుడిగా ఉన్న బండి సంజయ్ (Bandi Sanjay) కుమారుడు బండి భగీరథ్కు(Bandi Bhagirath) పోక్సో కేసులో (POCSO Case) కోర్టులో ఊరట లభించింది. యువతిపై (Young Woman) లైంగిక దాడి (Sexual Assault) ఆరోపణలతో నమోదైన కేసులో అరెస్టై రిమాండ్లో ఉన్న భగీరథ్కు మల్కాజ్గిరి కోర్టు (Malkajgiri Court) షరతులతో కూడిన బెయిల్(Bail) మంజూరు చేసింది. దీంతో నెల రోజులకుపైగా జైలు జీవితం(Jail Life) గడిపిన ఆయన విడుదలకు మార్గం సుగమమైంది.
ఈ కేసులో భగీరథ్ తరఫు న్యాయవాదులు బెయిల్ పిటిషన్ దాఖలు చేయగా, ఇరుపక్షాల వాదనలు విన్న న్యాయస్థానం విచారణ అనంతరం షరతులతో కూడిన బెయిల్ మంజూరు చేస్తూ ఉత్తర్వులు జారీ చేసింది. కోర్టు నిర్దేశించిన నిబంధనలను పాటించాల్సి ఉంటుందని స్పష్టం చేసింది.
గత నెలలో భగీరథ్పై పోక్సో చట్టం కింద కేసు నమోదైన తర్వాత రాష్ట్రవ్యాప్తంగా రాజకీయంగా తీవ్ర చర్చ జరిగింది. వెంటనే ఆయనను అరెస్ట్ చేయాలంటూ పలుచోట్ల నిరసనలు వ్యక్తమయ్యాయి. కొన్ని రోజుల పాటు అజ్ఞాతంలో ఉన్న భగీరథ్ చివరకు మే 17న పోలీసుల ఎదుట లొంగిపోయారు.
లొంగిపోయిన అనంతరం పేట్బషీరాబాద్ పోలీసులు (Pet Basheerabad Police) భగీరథ్ను అదుపులోకి తీసుకుని ప్రత్యేక దర్యాప్తు బృందం అధికారులు 2 గంటలకు పైగా విచారించారు. అనంతరం ఆయనను మేడ్చల్ మేజిస్ట్రేట్ (Medchal Magistrate) ఎదుట హాజరుపరచగా, కోర్టు 14 రోజుల రిమాండ్ విధించింది. తర్వాత ఆయనను చర్లపల్లి జైలుకు తరలించారు.
అప్పటి నుంచి రిమాండ్ ఖైదీగా జైలులో ఉన్న భగీరథ్కు తాజాగా బెయిల్ లభించడంతో విడుదలకు మార్గం ఏర్పడింది. అయితే కోర్టు విధించిన షరతులను పూర్తిగా పాటించాల్సి ఉంటుందని న్యాయవర్గాలు పేర్కొంటున్నాయి. ఈ కేసులో తదుపరి విచారణ కొనసాగనుంది.
