అమరావతిలో (Andhra Pradesh) ప్రభుత్వం (Government) చేస్తున్న తప్పుల కారణంగానే అధికార వర్గాలు ఉలిక్కిపడుతున్నాయని మాజీ మంత్రి, వైసీపీ(YSRCP) ఎమ్మెల్సీ బొత్స సత్యనారాయణ (Botsa Satyanarayana) తీవ్ర విమర్శలు చేశారు. ఉండవల్లిలో చోటుచేసుకున్న ఘటన నేపథ్యంలో వైసీపీ నాయకులపై పోలీసులు నమోదు చేసిన కేసులపై ఆయన తీవ్ర అభ్యంతరం వ్యక్తం చేశారు. అధికారం చేతుల్లో ఉందనే అహంకారంతో వైసీపీ నేతలను లక్ష్యంగా చేసుకుని అక్రమ కేసులు నమోదు చేస్తున్నారని ఆరోపించారు.
ప్రభుత్వ వైఫల్యాలను ప్రశ్నించిన ప్రతిసారీ వైసీపీ నాయకులపై దాడులు, కేసులు(Cases) పెడుతున్నారని బొత్స మండిపడ్డారు. వైసీపీ నాయకులతో పాటు పోలీసులపై(Police) కూడా దాడులు జరిగాయని పేర్కొంటూ, అలాంటి ఘటనను హత్యాయత్నంగా ఎందుకు పరిగణించడం లేదని ప్రశ్నించారు. చట్టం అందరికీ ఒకేలా అమలు కావాలని ఆయన డిమాండ్ చేశారు.
రాష్ట్రంలో శాంతిభద్రతలు (Law and Order) పూర్తిగా అదుపు తప్పాయని, ప్రస్తుతం ఆటవిక పాలన కొనసాగుతున్న పరిస్థితులు కనిపిస్తున్నాయని బొత్స విమర్శించారు. అమరావతికి వైసీపీ నాయకులు వెళ్లడంలో తప్పేముందని ప్రశ్నిస్తూ, అక్కడ జరుగుతున్న అంశాలను పరిశీలించడం ప్రతిపక్ష బాధ్యతేనని అన్నారు. అమరావతిలో జరుగుతున్న దోపిడీని (Loot) ప్రశ్నిస్తే ప్రభుత్వానికి ఎందుకు భయం వేస్తోందని నిలదీశారు.
అమరావతి (Amaravati) ప్రాంత రైతులు (Farmers) ఎదుర్కొంటున్న సమస్యలను స్వయంగా తెలుసుకునేందుకే తమ పార్టీ నాయకులు అక్కడికి వెళ్లారని బొత్స వెల్లడించారు. అభివృద్ధి నిజంగా జరిగి ఉంటే దాన్ని చూసేందుకు ఎవరికీ భయం అవసరం లేదని వ్యాఖ్యానించారు. ప్రజల సమస్యలను తెలుసుకుని వారి తరఫున పోరాడటమే తమ పార్టీ విధానమని, అదే తమ రాజకీయ ధోరణి అని బొత్స సత్యనారాయణ (Botsa Satyanarayana) స్పష్టం చేశారు.
