దేశ రాజధాని ఢిల్లీ(Delhi) పరిసరాల్లో నిర్భయ ఘటనను తలపించే దారుణం ఆలస్యంగా వెలుగులోకి వచ్చింది. ఉత్తరప్రదేశ్‌కు (Uttar Pradesh) చెందిన 16 ఏళ్ల బాలికపై(16-Year-Old Girl) కదులుతున్న స్లీపర్ బస్సులో(Sleeper Bus) డ్రైవర్, కండక్టర్ కలిసి అత్యాచారానికి పాల్పడినట్లు పోలీసులు తెలిపారు. ఆగస్టు 4న జరిగిన ఈ ఘటనపై బాధితురాలి కుటుంబ సభ్యుల ఫిర్యాదుతో కేసు నమోదు చేసిన పోలీసులు.. నిందితులు కుల్దీప్(Kuldeep), సందీప్‌లను(Sandeep) అరెస్ట్ చేశారు.
47 కిలోమీటర్ల ప్రయాణంలో దారుణం
పోలీసుల వివరాల ప్రకారం.. ఉత్తరప్రదేశ్‌లోని మైన్‌పురి (Mainpuri) జిల్లాకు చెందిన 16 ఏళ్ల విద్యార్థిని కుటుంబ సభ్యులతో గొడవ అనంతరం నోయిడాలోని బంధువుల ఇంటికి (Relative’s House) వెళ్లేందుకు బయలుదేరింది. ఈ క్రమంలో గ్రేటర్ నోయిడాలోని పరిచౌక్ (Pari Chowk) వద్ద ఢిల్లీ వైపు వెళ్తున్న ఓ ప్రైవేట్ స్లీపర్ బస్సు ఎక్కింది. పరిచౌక్ నుంచి ఢిల్లీలోని కశ్మీరీ గేట్ (Kashmere Gate) వరకు సుమారు 47 కిలోమీటర్ల ప్రయాణంలో ఈ ఘటన చోటుచేసుకున్నట్లు పోలీసులు వెల్లడించారు.
బస్సు కర్టెన్లు మూసి ఉండటంతో..
స్లీపర్ బస్సు (Sleeper Bus) కిటికీలకు కర్టెన్లు ఉండటంతో లోపల ఏం జరుగుతుందో బయటివారికి కనిపించలేదని పోలీసులు తెలిపారు. ఇదే అవకాశంగా తీసుకున్న డ్రైవర్ కుల్దీప్ (Driver Kuldeep), కండక్టర్ సందీప్ (Conductor Sandeep) బాలికపై అత్యాచారానికి పాల్పడినట్లు ఆరోపణలు ఉన్నాయి. అనంతరం బాలికను ఢిల్లీలోని కశ్మీరీ గేట్ బస్ స్టాండ్ వద్ద దింపి నిందితులు అక్కడి నుంచి వెళ్లిపోయినట్లు పోలీసులు తెలిపారు.
కుటుంబ సభ్యులు ఆస్పత్రికి తరలింపు
ఘటన అనంతరం బాలిక అచేతన స్థితిలో ఉండటంతో కుటుంబ సభ్యులకు సమాచారం అందించింది. విషయం తెలుసుకున్న కుటుంబ సభ్యులు వెంటనే అక్కడికి చేరుకుని ఆమెను ఆస్పత్రికి తరలించారు. అనంతరం వారి ఫిర్యాదు మేరకు పోలీసులు(Police) కేసు నమోదు చేసి దర్యాప్తు చేపట్టారు.
బస్సుకు సంబంధించిన వివరాలను సేకరించిన పోలీసులు నిందితులుగా గుర్తించిన డ్రైవర్ కుల్దీప్, కండక్టర్ సందీప్‌లను అదుపులోకి తీసుకున్నారు. విచారణ అనంతరం ఇద్దరినీ అరెస్ట్ చేసి రిమాండ్‌కు తరలించినట్లు పోలీసులు వెల్లడించారు.
