మాస్ మహారాజా రవితేజ హీరోగా, టాలీవుడ్ సెన్సిబుల్ డైరెక్టర్ శివ నిర్వాణ దర్శకత్వంలో మైత్రి మూవీ మేకర్స్ నిర్మిస్తున్న తాజా చిత్రం ‘ఇరుముడి’. ఈ సినిమాతో రవితేజను అభిమానులు ఎప్పుడూ చూడని కొత్త అవతార్లో చూపించబోతున్నట్లు ఇప్పటికే భారీ అంచనాలు నెలకొన్నాయి. తాజాగా విడుదలైన ‘ఇరుముడి’ గ్లింప్స్ ఆ అంచనాలను మరింత పెంచేసింది. అభిమానులు ఎంతో ఆసక్తిగా ఎదురుచూస్తున్న ఈ గ్లింప్స్ ప్రస్తుతం సోషల్ మీడియాలో వైరల్గా మారింది.
పూర్తిగా ఎమోషనల్ డ్రామాగా తెరకెక్కుతున్న ఈ సినిమాలో తండ్రీ, కూతుళ్ల మధ్య ఉన్న భావోద్వేగ బంధాన్ని దర్శకుడు అద్భుతంగా ప్రజెంట్ చేశాడు. బాధ్యతాయుతమైన తండ్రిగా రవితేజ కనిపించిన తీరు ప్రేక్షకులను ఆకట్టుకుంటోంది. ముఖ్యంగా కూతురి కోసం అయ్యప్ప మాల ధరించిన తండ్రిగా ఆయన లుక్ సినిమాపై ఆసక్తిని రెట్టింపు చేసింది. కుటుంబ భావోద్వేగాలకు తోడు డివోషనల్ టచ్ను కూడా కథలో మిళితం చేసినట్లు గ్లింప్స్ ద్వారా స్పష్టమైంది.
‘ఇరుముడి’ అనే టైటిల్కు తగ్గట్టుగానే సినిమాలో అయ్యప్ప స్వామి భక్తి నేపథ్యం కీలకంగా ఉండబోతున్నట్లు తెలుస్తోంది. అయితే కేవలం ఎమోషన్స్, భక్తి మాత్రమే కాకుండా రవితేజ అభిమానులు కోరుకునే మాస్ ఎలిమెంట్స్ కూడా పుష్కలంగా ఉండనున్నాయని గ్లింప్స్ హింట్ ఇచ్చింది. ఒకవైపు ఫ్యామిలీ సెంటిమెంట్, మరోవైపు పవర్ఫుల్ యాక్షన్ ఎపిసోడ్స్తో సినిమా నెక్స్ట్ లెవెల్లో ఉండబోతున్నట్లు కనిపిస్తోంది.
మైత్రి మూవీ మేకర్స్ నిర్మాణ విలువలు ప్రతి ఫ్రేమ్లోనూ గ్రాండ్గా కనిపించాయి. ఇక జీవి ప్రకాష్ అందించిన నేపథ్య సంగీతం గ్లింప్స్కు మరింత ఎలివేషన్ తీసుకొచ్చింది. భావోద్వేగ సన్నివేశాలకు ఆయన మ్యూజిక్ ప్రత్యేక బలం ఇచ్చింది. ప్రస్తుతం షూటింగ్ దశలో ఉన్న ఈ చిత్రాన్ని ఆగస్టు 14న ప్రేక్షకుల ముందుకు తీసుకురావడానికి మేకర్స్ ప్లాన్ చేస్తున్నారు. ఈ గ్లింప్స్ చూసిన తర్వాత రవితేజ ఖాతాలో మరో భారీ హిట్ పడటం ఖాయమనే అభిప్రాయం అభిమానుల్లో వ్యక్తమవుతోంది.
