పాలమూరు–రంగారెడ్డి (Palamuru–Rangareddy) ఎత్తిపోతల పథకం (Lift Irrigation Scheme) పంపుల నిర్వహణలో జాప్యం వల్లే తెలంగాణలో (Telangana) సాగునీటి సమస్యలు (Irrigation Problems) ఏర్పడ్డాయని బీఆర్ఎస్(BRS) వర్కింగ్ ప్రెసిడెంట్ కేటీఆర్(KTR) ఆరోపించారు. “ఇది కాలం తెచ్చిన కరువు(Drought) కాదు.. కాంగ్రెస్ (Congress) తెచ్చిన కరువు” అంటూ ఎక్స్‌లో వీడియో పోస్ట్ చేసి ప్రభుత్వంపై విమర్శలు చేశారు.
నార్లాపూర్ పంప్‌హౌస్‌లోని 145 మెగావాట్ల పంపులను శ్రీశైలం జలాశయానికి వరద ప్రవాహాలు ప్రారంభమైన జూలై 29 నుంచే నడిపి ఉంటే, 40 టీఎంసీల నీటిని ఎత్తిపోసి సుమారు 4 లక్షల ఎకరాలకు సాగునీరు అందించే అవకాశం ఉండేదని కేటీఆర్(KTR) పేర్కొన్నారు. ప్రభుత్వం 76 రోజుల పాటు పంపులను ప్రారంభించలేదని, కేసీఆర్‌కు(KCR) పేరు వస్తుందనే ఉద్దేశంతోనే జాప్యం చేసిందని ఆరోపించారు.
2026 జూన్ 1 నుంచి 50 టీఎంసీలకు పైగా గోదావరి నీటిని, 250 టీఎంసీల కృష్ణా జలాలను దిగువకు విడుదల చేశారని కేటీఆర్ ఆరోపించారు. కన్నెపల్లి, దేవాదుల, కల్వకుర్తి, పాలమూరు–రంగారెడ్డి ప్రాజెక్టుల పంపులను సకాలంలో వినియోగించి ఉంటే మరింత నీటిని నిల్వ చేసుకునే అవకాశం ఉండేదన్నారు. ఎల్ నినో ప్రభావంపై ముందస్తు హెచ్చరికలు ఉన్నప్పటికీ ప్రభుత్వం తగిన చర్యలు తీసుకోలేదని విమర్శించారు.
తెలంగాణ (Telangana) నుంచి దిగువకు వెళ్లిన నీటిని ఆంధ్రప్రదేశ్ (Andhra Pradesh) పట్టిసీమ, పోతిరెడ్డిపాడు, వెలిగొండ మార్గాల ద్వారా వినియోగించుకుందని కేటీఆర్(KTR) ఆరోపించారు. నీటి వనరులను సకాలంలో వినియోగించడంలో ప్రభుత్వం విఫలమవడంతో తెలంగాణ రైతులు సాగునీటి సమస్యలు ఎదుర్కొంటున్నారని విమర్శించారు. ఈ ఆరోపణలపై రాష్ట్ర ప్రభుత్వం స్పందించాల్సి ఉంది.
