విద్యార్థుల భవిష్యత్తుతో (Students Future) ప్రభుత్వం ఆటలాడుతోందని వైఎస్సార్సీపీ(YSRCP) రాష్ట్ర ప్రధాన కార్యదర్శి జూపూడి ప్రభాకర్రావు (Jupudi Prabhakar Rao) తీవ్రస్థాయిలో విమర్శించారు. నీట్ పరీక్షలో (NEET Examination) అవకతవకలపై కేంద్ర ప్రభుత్వం (Central Government) స్పందించినప్పటికీ, ఆంధ్రప్రదేశ్లో (Andhra Pradesh) డీఎస్సీ నియామకాలపై (DSC Recruitments) వస్తున్న ఆరోపణలపై కూటమి ప్రభుత్వం ఎందుకు నోరు విప్పడం లేదని ప్రశ్నించారు.
మెగా డీఎస్సీ(Mega DSC) పేరుతో భారీగా ఉద్యోగాలు ఇస్తామని హామీ ఇచ్చి, చివరకు అర్హులైన అభ్యర్థులకు అన్యాయం చేశారని ఆరోపించారు. అధిక మార్కులు సాధించి, సర్టిఫికెట్ వెరిఫికేషన్ (Certificate Verification) పూర్తి చేసుకున్న అభ్యర్థులకు ఉద్యోగాలు దక్కకపోవడం, అర్హత లేని వారికి నియామకాలు జరిగాయన్న ఆరోపణలపై ప్రభుత్వం సమాధానం చెప్పాలని డిమాండ్ చేశారు.
మాజీ సీఎం వైఎస్ జగన్ (YS Jagan) ఆధారాలతో సహా డీఎస్సీ అవకతవకలపై ప్రశ్నించినా ప్రభుత్వం స్పందించడం లేదని, నిజంగా తప్పు చేయకపోతే సీబీఐ లేదా న్యాయ విచారణకు ఎందుకు వెనుకాడుతున్నారని నిలదీశారు. సీఎం చంద్రబాబు, విద్యాశాఖ మంత్రి నారా లోకేష్(Nara Lokesh) ప్రజలకు స్పష్టత ఇవ్వాల్సిందేనన్నారు.
డీఎస్సీ ప్రక్రియలో తీసుకొచ్చిన జీవో 4, జీవో 47, జీవో 56లపై ప్రభుత్వం పూర్తి వివరాలు వెల్లడించాలని డిమాండ్ చేసిన జూపూడి, నియామకాల నిబంధనలు మధ్యలో ఎందుకు మార్చారో చెప్పాలని ప్రశ్నించారు.
ప్రజలనే వేదికగా చేసుకుని వైఎస్ జగన్ విద్యార్థులు, నిరుద్యోగులు, రైతులు, మహిళలు సహా అన్ని వర్గాల సమస్యలపై పోరాడుతున్నారని తెలిపారు. ప్రజా సమస్యలపై ప్రశ్నించే వారిపై కేసులు పెట్టినా, ఉద్యమాలను అణచివేయాలని చూసినా వైఎస్సార్సీపీ వెనక్కి తగ్గదని స్పష్టం చేశారు.
డీఎస్సీ అభ్యర్థులకు న్యాయం జరిగే వరకు పోరాటం కొనసాగుతుందని ప్రకటించిన ఆయన, ఈ నెల 28న రాష్ట్రవ్యాప్తంగా విద్యార్థులు, యువతతో కలిసి వైఎస్సార్సీపీ భారీ ఉద్యమం చేపడుతుందని వెల్లడించారు.
