పీవీ సింధు (PV Sindhu) బ్యాడ్మింటన్ కోర్టులో (Badminton Court) ప్రత్యర్థులను ఓడిస్తూ ప్రపంచవ్యాప్తంగా భారతదేశానికి (India) ఎన్నో విజయాలు అందించింది. ఇప్పుడు మాత్రం ఆటతో కాదు.. సరదాగా చేసిన ఒక ట్వీట్తో సోషల్ మీడియాలో హాట్ టాపిక్గా మారింది. దర్శకధీరుడు ఎస్ఎస్ రాజమౌళి (SS Rajamouli) చేసిన ప్రశంసలకు స్పందించిన సింధు.. ఆయన సినిమాలో అవకాశం వస్తే నటించేందుకు సిద్ధమని, బ్యాడ్మింటన్ ప్లేయర్ పాత్ర ఉంటే కొత్త హీరోయిన్గా (New Heroine) కూడా చేసేస్తానంటూ చేసిన కామెంట్ నెట్టింట వైరల్ అవుతోంది.
ఇటీవల జరిగిన జపాన్ ఓపెన్ టోర్నమెంట్లో (Japan Open Tournament) టైటిల్ గెలిచి చరిత్ర సృష్టించిన తొలి భారతీయురాలిగా పీవీ సింధు నిలిచింది. ఈ ఘనత సాధించిన సందర్భంగా ఎస్ఎస్ రాజమౌళి సోషల్ మీడియాలో ప్రత్యేకంగా అభినందనలు తెలిపారు. జపాన్ ఓపెన్ గెలిచిన తొలి భారతీయురాలిగా నిలిచినందుకు శుభాకాంక్షలు.. అద్భుతమైన కంబ్యాక్ చేశావు.. దేశం మొత్తం నీ విజయంపై గర్వపడుతోందని ఆయన పేర్కొన్నారు.
రాజమౌళి ట్వీట్కు స్పందించిన పీవీ సింధు కూడా అదే స్థాయిలో సరదాగా రిప్లై ఇచ్చింది. “థ్యాంక్యూ సో మచ్ రాజమౌళి సార్.. మీ వారణాసి (Varanasi) సినిమా కోసం ఎంతో ఆసక్తిగా ఎదురుచూస్తున్నా. ఒకవేళ మీ సినిమాలో బ్యాడ్మింటన్ ప్లేయర్ పాత్ర ఉంటే నన్ను గుర్తుంచుకోండి. అవసరమైతే కొత్త హీరోయిన్గా కూడా నటించడానికి సిద్ధంగా ఉన్నా” అంటూ నవ్వుతున్న ఎమోజీలతో (Laughing Emojis) ట్వీట్ చేసింది. ఈ ట్వీట్ను అభిమానులు భారీగా షేర్ చేస్తూ వైరల్ చేస్తున్నారు.
ప్రస్తుతం రాజమౌళి తెరకెక్కిస్తున్న వారణాసి సినిమా భారతీయ సినీ చరిత్రలోనే అత్యంత భారీ ప్రాజెక్టులలో ఒకటిగా నిలుస్తోంది. ఇందులో మహేష్ బాబు హీరోగా నటిస్తుండగా ప్రియాంక చోప్రా, పృథ్వీరాజ్ సుకుమారన్ కీలక పాత్రల్లో కనిపించనున్నారు. సుమారు రూ.1400 కోట్ల భారీ బడ్జెట్తో రూపొందుతున్న ఈ చిత్రం ఆఫ్రికన్ అడవులు, అంటార్కిటికా, వారణాసి వంటి విభిన్న ప్రాంతాల నేపథ్యంలో తెరకెక్కుతోంది. ఈ సినిమాపై ఇప్పటికే దేశవ్యాప్తంగా భారీ అంచనాలు నెలకొన్నాయి.
Thank you so much, Rajamouli Garu. ❤️ Eagerly waiting for Varanasi, sir!
— PV Sindhu (@Pvsindhu1) July 19, 2026
And if you ever need to a badminton player in one of your films… I’d be more than happy to become your newest “actress.” 😂🙏@ssk1122 https://t.co/tLoFxf5cLx
రాజమౌళి సినిమాల్లో ప్రతి పాత్రకు ప్రత్యేక ప్రాధాన్యం ఉండటంతో పీవీ సింధు చేసిన ఈ సరదా ఆఫర్పై అభిమానులు ఆసక్తికరంగా స్పందిస్తున్నారు. గతంలో ఆస్ట్రేలియా మాజీ క్రికెటర్ డేవిడ్ వార్నర్ కూడా రాజమౌళి సినిమాలో నటించాలని ఆసక్తి వ్యక్తం చేసిన విషయాన్ని గుర్తు చేస్తూ.. ఇప్పుడు ఆ జాబితాలో పీవీ సింధు కూడా చేరిపోయిందంటూ నెటిజన్లు కామెంట్లు చేస్తున్నారు.
2027 ఏప్రిల్ 7న ప్రపంచవ్యాప్తంగా విడుదల కానున్న వారణాసి సినిమా నుంచి వస్తున్న ప్రతి చిన్న అప్డేట్ కూడా సోషల్ మీడియాలో వైరల్ అవుతోంది. ఈ నేపథ్యంలో పీవీ సింధు చేసిన సరదా ట్వీట్ నిజంగానే భవిష్యత్తులో సినిమా అవకాశంగా మారుతుందా.. లేక అభిమానులను అలరించిన సోషల్ మీడియా మూమెంట్గా మాత్రమే మిగిలిపోతుందా అన్నది ఆసక్తికరంగా మారింది.
