డీఎస్సీ అక్రమాలపై (DSC Irregularities) తమ పోరాటం ఆగదని, మంత్రి నారా లోకేశ్ (Nara Lokesh) ఈ వ్యవహారం నుంచి తప్పించుకోలేరని వైసీపీ నేత సజ్జల రామకృష్ణారెడ్డి (Sajjala Ramakrishna Reddy) హెచ్చరించారు. వైసీపీ(YSRCP) ఆధ్వర్యంలో నిర్వహించిన నిరసనల నేపథ్యంలో తాడేపల్లిలో ఆయన మీడియాతో మాట్లాడారు.
డీఎస్సీ అక్రమాలపై తాము పదేపదే ప్రశ్నిస్తున్నప్పటికీ సీఎం చంద్రబాబు(CM Chandrababu Naidu), మంత్రి నారా లోకేశ్(Nara Lokesh) ఎందుకు స్పందించడం లేదని సజ్జల ప్రశ్నించారు. ప్రభుత్వ అక్రమాలపై తాము ఉద్యమం చేస్తుంటే, రాజకీయ ప్రయోజనాల కోసమే వైసీపీ ఆందోళనలు చేస్తోందంటూ టీడీపీ(TDP) నేతలు ప్రచారం చేస్తున్నారని ఆయన మండిపడ్డారు.
అధికారంలో ఉండి కూడా డీఎస్సీని పారదర్శకంగా నిర్వహించలేకపోయారని సజ్జల విమర్శించారు. వైసీపీ శ్రేణులు శాంతియుతంగా నిరసనలు చేపడుతుంటే ప్రభుత్వం పోలీసుల ద్వారా అణచివేతకు పాల్పడుతోందని ఆరోపించారు.
డీఎస్సీలో అక్రమాలు జరిగాయన్నది వాస్తవమేనని, ఈ అంశంపై వైసీపీ చేపట్టిన ఉద్యమం ఇప్పటికే ప్రజల్లోకి వెళ్లిందని సజ్జల పేర్కొన్నారు. వైసీపీ శ్రేణులు ఆందోళనలకు దిగడంతో సీఎం చంద్రబాబు ఉలిక్కిపడ్డారని ఆయన ఎద్దేవా చేశారు.
మంత్రి నారా లోకేశ్ రాజీనామా (Resignation) అంశంపై ప్రజలను తప్పుదోవ పట్టించేందుకు ప్రభుత్వం తీవ్రంగా ప్రయత్నిస్తోందని సజ్జల ఆరోపించారు. వైసీపీకి మద్దతు తెలిపే వారిని బెదిరిస్తున్నారని అన్నారు.
