రాష్ట్రంలో పోలీసు వ్యవస్థపై (Police System) అధికార పార్టీ (Ruling Party) ప్రజాప్రతినిధుల (Public Representatives) జోక్యం ఎంతవరకు వెళ్తోందనే చర్చకు దారితీసే ఘటన ఏలూరులో (Eluru) వెలుగులోకి వచ్చింది. ప్రజల భద్రత కోసం అమలు చేస్తున్న డ్రంక్ అండ్ డ్రైవ్ (Drunk and Drive) తనిఖీల విషయంలో టీడీపీ ఏలూరు ఎంపీ(TDP MP) పుట్టా మహేష్ (Putta Mahesh) చేసిన వ్యాఖ్యలు వివాదాస్పదంగా మారాయి. ఇప్పటికే డ్రగ్స్ కేసులో దేశవ్యాప్తంగా ఏపీ (Andhra Pradesh) పరువు తీసారని ఎంపీపై పలువురు అసహనం వ్యక్తం చేస్తున్న సమయంలో ఆయన మరో సారి ఇలాంటి వివాదంలో చిక్కుకోవడం చర్చనీయంశం అయింది.
ఏలూరు జిల్లా ‘దిశ’(DISHA) సమావేశంలో మాట్లాడిన ఎంపీ, మద్యం (Alcohol) సేవించి వాహనాలు నడిపే వారిపై కేసులు నమోదు చేయడంపై అసంతృప్తి వ్యక్తం చేసినట్లు సమాచారం. డ్రంక్ అండ్ డ్రైవ్ కేసుల కారణంగా తమ పార్టీకి(Party) చెడ్డపేరు వస్తోందని వ్యాఖ్యానించిన ఆయన, ఈ అంశంపై తనకు అధిక సంఖ్యలో ఫోన్ కాల్స్ వస్తున్నాయని వెల్లడించినట్లు చెబుతున్నారు.
అంతేకాకుండా, నిబంధనలను అమలు చేసే విషయంలో తమ పార్టీ కార్యకర్తలకు కొంత వెసులుబాటు కల్పించాలని పోలీసులను కోరినట్లు ప్రచారం జరుగుతోంది. రూల్స్ అందరికీ ఒకే విధంగా వర్తిస్తే ఎలా అని ప్రశ్నించిన ఆయన వ్యాఖ్యలు సమావేశంలో ఉన్న అధికారులను ఆశ్చర్యానికి గురి చేశాయని చెబుతున్నారు.
దీనిపై స్పందించిన జిల్లా ఎస్పీ కిషోర్ కుమార్, రోడ్డు ప్రమాదాలను నివారించడం మరియు ప్రజల ప్రాణాలను కాపాడడమే డ్రంక్ అండ్ డ్రైవ్ తనిఖీల ప్రధాన ఉద్దేశమని స్పష్టం చేసినట్లు సమాచారం. అయినప్పటికీ నిబంధనల అమలులో సడలింపులు కోరడం మరింత చర్చనీయాంశంగా మారింది.
రాష్ట్రంలో ప్రతి సంవత్సరం వందలాది మంది రోడ్డు ప్రమాదాల్లో ప్రాణాలు కోల్పోతున్నారు. వేలాది మంది గాయపడి జీవితాంతం ఇబ్బందులు ఎదుర్కొంటున్నారు. వీటిలో గణనీయమైన ప్రమాదాలు మద్యం సేవించి వాహనాలు నడపడం వల్లే జరుగుతున్నాయని గణాంకాలు సూచిస్తున్నాయి. అలాంటి పరిస్థితుల్లో చట్టాల అమలులో రాజకీయ ఆధారంగా మినహాయింపులు కోరడం ఎంతవరకు సమంజసం అనే ప్రశ్న ప్రజల్లో వినిపిస్తోంది.
డ్రంక్ అండ్ డ్రైవ్ కారణంగా తప్పు చేసిన వ్యక్తులే కాకుండా, అమాయక కుటుంబాలు కూడా తీవ్ర నష్టాన్ని ఎదుర్కొంటున్నాయి. గతంలో జరిగిన పలు ఘోర రోడ్డు ప్రమాదాలు మద్యం మత్తులో వాహనాలు నడపడం వల్లే చోటుచేసుకున్నాయి. ఈ నేపథ్యంలో ప్రజల భద్రతకు సంబంధించిన అంశంపై రాజకీయ ఒత్తిళ్లు లేదా ప్రత్యేక సడలింపుల డిమాండ్లు సమాజంలో తీవ్ర ఆందోళనకు కారణమవుతున్నాయి.
