ఉదయ్ కృష్ణా రెడ్డి (Uday Krishna Reddy) తనపై వచ్చిన ఆరోపణలపై స్పందిస్తూ.. తాను ఎక్కడికీ పారిపోలేదని, పరారీలో (Absconding) లేనని స్పష్టం చేశారు. తనపై తోటి ట్రైనీ ఐపీఎస్ (Trainee IPS) అధికారి చేసిన ఆరోపణలు (Allegations) పూర్తిగా అవాస్తవమని (False) పేర్కొన్నారు. మీడియాలో వచ్చిన కథనాల కారణంగా తన నాయనమ్మ అనారోగ్యానికి (Grandmother Illness) గురికావడంతో ఆమెను పరామర్శించేందుకు స్వగ్రామం ఊళ్లపాలెంకు (Ullapalem) వెళ్లినట్లు వెల్లడించారు.
న్యాయవ్యవస్థ(Judiciary), పోలీసు వ్యవస్థలపై (Police System) తనకు పూర్తి విశ్వాసం ఉందని తెలిపారు. ప్రస్తుతం కేసు న్యాయస్థానం పరిధిలో ఉన్నందున మరిన్ని వివరాలు వెల్లడించడం సమంజసం కాదన్నారు. విచారణకు (Investigation) పూర్తిస్థాయిలో సహకరిస్తానని, నిజాలు బయటపడతాయని విశ్వాసం వ్యక్తం చేశారు.
స్వగ్రామానికి వెళ్లడాన్ని పరారిగా చిత్రీకరించడం సరైంది కాదని ఉదయ్ కృష్ణా రెడ్డి పేర్కొన్నారు. తనపై వచ్చిన ఆరోపణలు వాస్తవాలకు దూరమని, మీడియా కథనాల వల్ల కుటుంబ సభ్యులు తీవ్ర ఆందోళనకు గురయ్యారని తెలిపారు. గ్రామీణ నేపథ్యం నుంచి ఎంతో కష్టపడి ఈ స్థాయికి చేరుకున్నానని, జీవితాంతం విలువలకు కట్టుబడి ఉంటానని స్పష్టం చేశారు.
హైదరాబాద్లోని (Hyderabad) 2 తాత్కాలిక చిరునామాలకు పోలీసులు నోటీసులు అందించేందుకు వెళ్లినట్లు తెలిసిందని చెప్పారు. అయితే తన శాశ్వత చిరునామా (Permanent Address) అయిన ప్రకాశం జిల్లా ఊళ్లపాలెంకు ఎలాంటి నోటీసులు(Notices) అందలేదని వెల్లడించారు. విచారణకు సహకరించేందుకు తానే స్వచ్ఛందంగా హైదరాబాద్కు వెళ్తున్నానని తెలిపారు. దర్యాప్తులో తన నిర్దోషిత్వాన్ని నిరూపించుకుంటాననే పూర్తి నమ్మకం ఉందని, త్వరలోనే వాస్తవాలు వెలుగులోకి వస్తాయని ఆశాభావం వ్యక్తం చేశారు.
