తమిళనాడులో(Tamil Nadu) మహిళలకు(Women) అందిస్తున్న ఉచిత బస్సు(Free Bus) ప్రయాణ సౌకర్యాన్ని ప్రభుత్వం మరింత విస్తరించింది. గాంధీ జయంతి (Gandhi Jayanti) సందర్భంగా అక్టోబర్ 2న ముఖ్యమంత్రి సి. జోసెఫ్ విజయ్ (C. Joseph Vijay) ‘వెట్రి పయనం’ పథకాన్ని (Vettri Payanam Scheme) విస్తరించి ప్రారంభించారు. దీంతో మరిన్ని రకాల ప్రభుత్వ బస్సుల్లో మహిళలు ఉచితంగా ప్రయాణించవచ్చు. రోజుకు సుమారు 84.32 లక్షల మంది మహిళలు ప్రయోజనం పొందుతారని ప్రభుత్వం అంచనా వేసింది.
ఇప్పటివరకు ఎంపిక చేసిన సాధారణ బస్సులకు పరిమితమైన ఈ సదుపాయాన్ని ఇప్పుడు ఎక్స్‌ప్రెస్(Express), పరిమిత స్టాప్ సర్వీసులు, డీలక్స్ బస్సులతో(Deluxe Buses) పాటు మోఫుసిల్ సాధారణ బస్సులు, 40 కిలోమీటర్లకు మించి నడిచే కొన్ని ఘాట్ రూట్ల బస్సులకు విస్తరించారు.
తమిళనాడులోని 7 ప్రభుత్వ రవాణా సంస్థలు నడుపుతున్న సుమారు 12,692 షెడ్యూల్డ్ బస్సులు ఈ పథకం పరిధిలోకి వస్తాయి. ఇది మొత్తం షెడ్యూల్డ్ బస్సుల్లో దాదాపు 69 శాతం కాగా, సింగిల్ ట్రిప్పుల్లో సుమారు 85 శాతం వరకు ఉంటుందని ప్రభుత్వం తెలిపింది.
‘వెట్రి పయనం’ ద్వారా రోజుకు 84.32 లక్షల మంది మహిళలు లబ్ధి పొందుతారని ప్రభుత్వం పేర్కొంది. విద్య(Education), ఉద్యోగం(Employment), వైద్యం(Medical Treatment), ఇతర అవసరాల కోసం ప్రయాణించే మహిళలకు రవాణా ఖర్చు తగ్గనుంది.
மாண்புமிகு தமிழ்நாடு முதலமைச்சர் திரு.ச.ஜோசப் விஜய் அவர்கள், “வெற்றிப் பயணம்” திட்டத்தை தேசத்தந்தை மகாத்மா காந்தியடிகளின் பிறந்த நாளான இன்று (2.10.2026), சென்னை, கோயம்பேடு பேருந்து முனையத்திலிருந்து மகளிருக்குக் கட்டணமில்லாப் பேருந்துப் பயணச்சீட்டை வழங்கித் தொடங்கி வைத்தார்.… pic.twitter.com/MyS45Ilsy0
— CMOTamilNadu (@CMOTamilnadu) October 2, 2026
పథకం అమలుకు ముందు సంబంధిత బస్సులను ఎలక్ట్రానిక్ టికెటింగ్ యంత్రాలతో(Electronic Ticketing Machines) అనుసంధానం చేసి, పరీక్షలు, ధృవీకరణలు, ప్రయోగాత్మక ప్రయాణాలను పూర్తి చేశారు. అనంతరం విస్తరించిన సేవలను అందుబాటులోకి తీసుకొచ్చారు.
రవాణా ఖర్చుల కారణంగా మహిళలు విద్య, ఉద్యోగాలు, వైద్యం వంటి అవకాశాలను కోల్పోకూడదనే ఉద్దేశంతో ఈ సౌకర్యాన్ని విస్తరించినట్లు ప్రభుత్వం తెలిపింది. కళాశాలలు, కార్యాలయాలు, ఆసుపత్రులకు వెళ్లే మహిళలకు ఈ పథకం మరింత ఉపయోగపడుతుందని అధికారులు పేర్కొన్నారు.
అక్టోబర్ 2న రాష్ట్రవ్యాప్తంగా పథకాన్ని ప్రారంభించిన ముఖ్యమంత్రి విజయ్(CM Vijay) ప్రయాణికులతో మాట్లాడి ఉచిత బస్సు టికెట్లను అందించారు. మహిళల రోజువారీ ప్రయాణ ఖర్చులను తగ్గించడం, వారి విద్య, ఉద్యోగం, వైద్యం తదితర అవసరాలకు ప్రయాణాన్ని మరింత అందుబాటులోకి తీసుకురావడమే పథకం లక్ష్యంగా ప్రభుత్వం పేర్కొంది.
