మాజీ భారత క్రికెటర్, ఫాస్ట్ బౌలర్ అశోక్ డిండా (Ashok Dinda) రాజకీయ జీవితంలో మరో కీలక ఘట్టాన్ని నమోదు చేశారు. పశ్చిమ బెంగాల్లో (West Bengal) కొత్తగా ఏర్పడిన ప్రభుత్వ మంత్రివర్గంలో (Cabinet) ఆయనకు మంత్రి పదవి (Minister Post) లభించింది. రాజ్భవన్లో నిర్వహించిన ప్రమాణ స్వీకార కార్యక్రమంలో అశోక్ డిండా రాష్ట్ర మంత్రిగా ప్రమాణ స్వీకారం చేసి కొత్త బాధ్యతలను చేపట్టారు.
ముఖ్యమంత్రి శుభేందు అధికారి (Suvendu Adhikari) నేతృత్వంలో జరిగిన మంత్రివర్గ విస్తరణలో మొత్తం 35 మంది మంత్రులు ప్రమాణ స్వీకారం చేశారు. గవర్నర్ (Governor) ఆర్.ఎన్. రవి (R.N. Ravi) సమక్షంలో జరిగిన ఈ కార్యక్రమానికి బీజేపీకి(BJP) చెందిన పలువురు సీనియర్ నేతలు, ప్రజాప్రతినిధులు హాజరయ్యారు. ఈ సందర్భంగా అశోక్ డిండా అధికారికంగా రాష్ట్ర మంత్రివర్గంలో చోటు దక్కించుకున్నారు.
ఇటీవల జరిగిన అసెంబ్లీ ఎన్నికల్లో బీజేపీ అభ్యర్థిగా మోయ్నా నియోజకవర్గం (Moyna Constituency) నుంచి బరిలోకి దిగిన డిండా ఘన విజయం సాధించారు. తృణమూల్ కాంగ్రెస్ (TMC) అభ్యర్థి చందన్ మండల్పై (Chandan Mandal) 16,241 ఓట్ల భారీ మెజారిటీతో గెలుపొందారు. ఇదే నియోజకవర్గం నుంచి వరుసగా రెండోసారి విజయాన్ని అందుకోవడం విశేషం. 2021 అసెంబ్లీ ఎన్నికల్లో కూడా తృణమూల్ కాంగ్రెస్ అభ్యర్థి సంగ్రామ్ డోలూయిపై (Sangram Dolui) స్వల్ప మెజారిటీతో విజయం సాధించి రాజకీయాల్లో తన సత్తా చాటుకున్నారు.
క్రికెట్ మైదానంలో తనదైన ముద్ర వేసిన అశోక్ డిండా 2009లో శ్రీలంకతో జరిగిన అంతర్జాతీయ మ్యాచ్ ద్వారా భారత జట్టులోకి అడుగుపెట్టారు. భారత జట్టు తరఫున 13 వన్డేలు, 9 టీ20 అంతర్జాతీయ మ్యాచ్లు ఆడిన ఆయన వన్డేల్లో 12 వికెట్లు, టీ20ల్లో 17 వికెట్లు సాధించారు. దేశీయ క్రికెట్లో బెంగాల్ జట్టుకు ఎన్నో విజయాల్లో కీలక పాత్ర పోషించిన డిండా, ఇండియన్ ప్రీమియర్ లీగ్లో కూడా పలు ఫ్రాంచైజీలకు ప్రాతినిధ్యం వహించారు.
కోల్కతా నైట్ రైడర్స్, ఢిల్లీ క్యాపిటల్స్, పుణే వారియర్స్ ఇండియా, రాయల్ ఛాలెంజర్స్ బెంగళూరు, రైజింగ్ పుణే సూపర్ జెయింట్స్ జట్ల తరఫున ఆడిన డిండా ఐపీఎల్లో మొత్తం 78 మ్యాచ్లు ఆడి 69 వికెట్లు పడగొట్టారు. తన వేగవంతమైన బౌలింగ్తో దేశీయ క్రికెట్లో ప్రత్యేక గుర్తింపు పొందారు.
క్రికెట్కు వీడ్కోలు పలికిన అనంతరం 2021 ఫిబ్రవరిలో భారతీయ జనతా పార్టీలో చేరిన అశోక్ డిండా తక్కువ సమయంలోనే రాజకీయాల్లో ఎదిగారు. ప్రజల మధ్య చురుకుగా పనిచేస్తూ వరుస విజయాలు సాధించిన ఆయన ఇప్పుడు మంత్రి పదవిని కూడా అందుకున్నారు. క్రికెట్ మైదానంలో విజయవంతమైన ఇన్నింగ్స్ ఆడిన డిండా, రాజకీయ రంగంలో కూడా దీర్ఘకాల ఇన్నింగ్స్ ఆడేందుకు సిద్ధమవుతున్నారు.
🚨 𝐁𝐈𝐆 𝐔𝐏𝐃𝐀𝐓𝐄 : Joyel Murmu, Ashok Dinda, Anandamoy Burman, Santanu Pramanik, Purnima Chakraborty and Umesh Rai sworn in as ministers in West Bengal.#BreakingNews #WestBengal pic.twitter.com/mVaPiSrcpC
— VARTA ( वार्ता ) (@varta24news) June 1, 2026
