చిత్తూరు జిల్లా(Chittoor)లో మామిడి రైతులు(Mango Farmers) తీవ్ర ఆర్థిక సంక్షోభాన్ని ఎదుర్కొంటున్నారు. ఈసారి భారీగా పంట దిగుబడి వచ్చినప్పటికీ మార్కెట్లో సరైన ధర లేకపోవడంతో రైతులు తీవ్రంగా నష్టపోతున్నారు. పెట్టుబడులు కూడా తిరిగి రావడం లేదని రైతులు ఆవేదన వ్యక్తం చేస్తున్నారు.
మామిడి కొనుగోలు కేంద్రాల్లో సరైన ధరలు లేకపోవడం, వ్యాపారులు తక్కువ రేట్లు చెప్పడం వల్ల రైతులు తీవ్ర నిరాశలో ఉన్నారు. దీంతో తమ పరిస్థితిని ప్రభుత్వం గుర్తించి వెంటనే చర్యలు తీసుకోవాలని రైతులు డిమాండ్ చేస్తున్నారు. చిత్తూరు జిల్లాకు వస్తున్న ప్రతి రాజకీయ పార్టీ నాయకుడికి తమ సమస్యలను వివరిస్తూ న్యాయం చేయాలని వేడుకుంటున్నారు.
ఈ వ్యవహారం బీజేపీ రాష్ట్ర అధ్యక్షుడు పీవీఎస్ మాధవ్(PVN Madhav) దృష్టికి చేరడంతో ఆయన స్పందించారు. మామిడి రైతులు తీవ్ర ఇబ్బందుల్లో ఉన్నారని పేర్కొంటూ సీఎం చంద్రబాబు(Chandrababu Naidu)కు లేఖ రాశారు. రైతులను ఆదుకునేందుకు ప్రభుత్వం వెంటనే జోక్యం చేసుకోవాలని కోరారు.
మామిడి కొనుగోళ్లలో ప్రభుత్వ పాత్ర పెంచాలని, రైతులకు కనీస మద్దతు ధర(MSP) ప్రకటించాలని ఆయన విజ్ఞప్తి చేశారు. మార్కెట్లో రైతులు నష్టపోకుండా ప్రత్యేక చర్యలు తీసుకోవాలని కూడా లేఖలో సూచించారు. రైతుల పరిస్థితిని అత్యవసరంగా పరిశీలించి తక్షణ సహాయక చర్యలు చేపట్టాలని బీజేపీ రాష్ట్ర అధ్యక్షుడు ప్రభుత్వాన్ని కోరారు.
