మహిళల ఆసియా కప్ 2026 (Women’s Asia Cup 2026) లీగ్ దశలో దుబాయ్ (Dubai) వేదికగా పాకిస్థాన్‌తో(Pakistan) జరిగిన మ్యాచ్‌లో టీమిండియా మహిళల జట్టు(India Women’s Team) అదరగొట్టింది. తొలుత పాకిస్థాన్‌ను 55 పరుగులకే ఆలౌట్ చేసిన భారత్(India). అనంతరం 8.4 ఓవర్లలో 3 వికెట్లు కోల్పోయి 57 పరుగులు చేసి 7 వికెట్ల తేడాతో ఘన విజయం సాధించింది.
టాస్ గెలిచిన పాకిస్థాన్ తొలుత బ్యాటింగ్ ఎంచుకున్నా.. భారత బౌలర్ల ధాటికి ఆ జట్టు బ్యాటింగ్ ఆర్డర్ కుప్పకూలింది. భారత స్పిన్నర్లు కట్టుదిట్టంగా బౌలింగ్ చేయడంతో పాకిస్థాన్ 18.1 ఓవర్లలో 55 పరుగులకే ఆలౌట్ అయింది.
భారత బౌలర్లలో శ్రీ చరణి 4 ఓవర్లలో 7 పరుగులు ఇచ్చి 3 వికెట్లు, ప్రేమ రావత్ 4 ఓవర్లలో 9 పరుగులు ఇచ్చి 3 వికెట్లు తీసుకున్నారు. దీప్తి శర్మ 2 వికెట్లు పడగొట్టగా, షఫాలీ వర్మ ఒక వికెట్ తీసుకుంది.
56 పరుగుల స్వల్ప లక్ష్యంతో బరిలోకి దిగిన భారత్‌కు ఆరంభంలోనే ఎదురుదెబ్బలు తగిలాయి. షఫాలీ వర్మ 12, స్మృతి మంధాన 9, ప్రతీకా రావల్ 4 పరుగులు చేసి ఔటయ్యారు. అయితే కెప్టెన్ హర్మన్‌ప్రీత్ కౌర్ 18, దీప్తి శర్మ 12 పరుగులతో నాటౌట్‌గా నిలిచి జట్టును విజయతీరాలకు చేర్చారు.
బ్యాటింగ్, బౌలింగ్ రెండు విభాగాల్లోనూ పూర్తి ఆధిపత్యం ప్రదర్శించిన టీమిండియా.. పాకిస్థాన్‌పై ఘన విజయాన్ని నమోదు చేసి మహిళల ఆసియా కప్ 2026లో తమ జోరును కొనసాగించింది.
