జట్టులోకి సీనియర్ ఆల్రౌండర్ రవీంద్ర జడేజా(Ravindra Jadeja) మళ్లీ ఎంట్రీ ఇవ్వడంతో టీమిండియా టెస్టు (Team India Test) బలగం మరింత పటిష్టంగా మారింది. ఆగస్టులో శ్రీలంకతో (Sri Lanka) జరగనున్న 2 మ్యాచ్ల టెస్టు సిరీస్ (Test Series) కోసం బీసీసీఐ (BCCI) 15 మంది సభ్యులతో కూడిన భారత జట్టును ప్రకటించింది. శుభ్మన్ గిల్ (Shubman Gill) కెప్టెన్గా కొనసాగుతుండగా, కేఎల్ రాహుల్ (KL Rahul) వైస్ కెప్టెన్గా బాధ్యతలు నిర్వర్తించనున్నాడు. ఇదే సమయంలో యువ స్పిన్ ఆల్రౌండర్ సరన్ష్ జైన్కు (Saransh Jain) తొలిసారి భారత టెస్టు జట్టులో చోటు దక్కడం విశేషంగా మారింది.
గత ఐపీఎల్ 2026 (IPL-2026) సీజన్లో టెన్నిస్ ఎల్బో గాయంతో జట్టుకు దూరమైన రవీంద్ర జడేజా ఇప్పుడు పూర్తిగా కోలుకుని తిరిగి టెస్టు జట్టులోకి వచ్చాడు. శ్రీలంక పిచ్లు స్పిన్నర్లకు స్వర్గధామంగా ఉండటంతో జడేజా అనుభవం భారత జట్టుకు పెద్ద ప్లస్ కానుంది. అతడితో పాటు కుల్దీప్ యాదవ్, మానవ్ సుతార్ కూడా స్పిన్ విభాగంలో చోటు దక్కించుకున్నారు.
వాషింగ్టన్ సుందర్ హామ్స్ట్రింగ్ గాయం కారణంగా తొలి టెస్టుకు అందుబాటులో లేకపోవడంతో అతని స్థానంలో సరన్ష్ జైన్కు (Saransh Jain) అవకాశం లభించింది. మధ్యప్రదేశ్ తరఫున 42 ఫస్ట్ క్లాస్ మ్యాచ్ల్లో 131 వికెట్లు పడగొట్టిన సరన్ష్, బ్యాటింగ్లో 1455 పరుగులు చేసి 1 సెంచరీ, 8 అర్ధశతకాలు నమోదు చేశాడు. ఇటీవల ఇండియా-ఏ తరఫున శ్రీలంక-ఏపై ఆకట్టుకునే ప్రదర్శనతో సెలెక్టర్ల దృష్టిని తనవైపు తిప్పుకున్నాడు.
స్టార్ పేసర్ జస్ప్రీత్ బుమ్రా, యువ బ్యాటర్ సాయి సుదర్శన్ జట్టులో చోటు దక్కించుకున్నప్పటికీ వీరిద్దరి ఎంపిక ఫిట్నెస్ క్లియరెన్స్పై ఆధారపడి ఉంటుందని బీసీసీఐ స్పష్టం చేసింది. సెంటర్ ఆఫ్ ఎక్సలెన్స్ నుంచి ఫిట్నెస్ సర్టిఫికెట్ వచ్చిన తర్వాతే వీరు మ్యాచ్లు ఆడే విషయంపై తుది నిర్ణయం తీసుకోనున్నారు.
శ్రీలంక పర్యటనకు ముందు ఆగస్టు 7 నుంచి కొలంబోలో భారత జట్టు 4 రోజుల ప్రాక్టీస్ మ్యాచ్ ఆడనుంది. తొలి టెస్టు ఆగస్టు 15 నుంచి 19 వరకు గాలేలో జరగనుండగా, రెండో టెస్టు ఆగస్టు 23 నుంచి 27 వరకు కొలంబోలోని ఎస్ఎస్సీ మైదానంలో నిర్వహించనున్నారు.
గత సీజన్లో స్వదేశంలో దక్షిణాఫ్రికా చేతిలో 0-2తో టెస్టు సిరీస్ కోల్పోయిన భారత్ ప్రపంచ టెస్టు ఛాంపియన్షిప్ ఫైనల్ రేసులో వెనుకబడింది. ముఖ్యంగా గువాహటిలో జరిగిన రెండో టెస్టులో 408 పరుగుల భారీ తేడాతో ఓటమి చవిచూడటం భారత టెస్టు చరిత్రలో పరుగుల పరంగా అతిపెద్ద పరాజయంగా నమోదైంది. ఈసారి శ్రీలంక గడ్డపై సిరీస్ గెలిచి డబ్ల్యూటీసీ పాయింట్ల పట్టికలో బలంగా పుంజుకోవాలని టీమిండియా గట్టి లక్ష్యంతో బరిలోకి దిగుతోంది.
భారత టెస్టు జట్టు:
శుభ్మన్ గిల్ (కెప్టెన్), కేఎల్ రాహుల్ (వైస్ కెప్టెన్), యశస్వి జైస్వాల్, రిషబ్ పంత్, సాయి సుదర్శన్, ధ్రువ్ జురెల్, రవీంద్ర జడేజా, కుల్దీప్ యాదవ్, మానవ్ సుతార్, జస్ప్రీత్ బుమ్రా, మహమ్మద్ సిరాజ్, ప్రసిద్ధ్ కృష్ణ, గుర్నూర్ బ్రార్, దేవదత్ పడిక్కల్, సరన్ష్ జైన్.
🚨 News 🚨#TeamIndia's squad for the 2⃣-match Test Series against Sri Lanka announced
— BCCI (@BCCI) July 28, 2026
Note: Washington Sundar was not available for selection for the first Test.
More Details ▶️ https://t.co/Vk0Xd8Axmq #SLvIND pic.twitter.com/NuCcKBohMj
