జనసేన పార్టీ (Jana Sena Party) చేపట్టిన ఉద్యమి సభ్యత్వ నమోదు కార్యక్రమంపై (Membership Enrollment Drive) అనూహ్య పరిణామాలు చోటుచేసుకుంటున్నాయి. శివరాత్రి (Maha Shivaratri) సందర్భంగా ప్రారంభమైన ఈ కార్యక్రమానికి ఆశించిన స్థాయిలో స్పందన రాలేదన్న చర్చ నడుస్తోంది. ఈ నేపథ్యంలో సభ్యత్వ నమోదు గడువును మరికొన్ని రోజులు పొడిగిస్తున్నట్లు పార్టీ కేంద్ర కార్యాలయం ప్రకటించడం రాజకీయ వర్గాల్లో చర్చకు దారి తీసింది.
టార్గెట్ రీచ్ కాకపోవడమే కారణమా?
గత నెల రోజులుగా కొనసాగుతున్న ఈ కార్యక్రమంలో ఇప్పటివరకు ఇరవై లక్షల మందికి పైగా సభ్యత్వం తీసుకున్నట్లు పార్టీ వర్గాలు వెల్లడించాయి. అయితే పార్టీ స్థాయి, ఓటు బ్యాంక్ (Vote Bank) దృష్ట్యా ఈ సంఖ్య తక్కువేనన్న అభిప్రాయాలు వినిపిస్తున్నాయి.
కొన్ని ప్రాంతాల్లో ఆసక్తి ఉన్నప్పటికీ సాంకేతిక సమస్యలు, సమయాభావం, స్థానిక పరిస్థితుల వల్ల నమోదు పూర్తికాలేదని పార్టీకి విజ్ఞప్తులు అందడంతో గడువు పెంచినట్లు అధికారికంగా చెబుతున్నారు. అయితే అసలు కారణం మాత్రం పార్టీ నిర్దేశించిన లక్ష్యం చేరుకోలేకపోవడమేనని అంతర్గతంగా చర్చ జరుగుతున్నట్లు సమాచారం.
ఈ సభ్యత్వ నమోదులో ఎక్కువ శాతం యువతే ఉండటం గమనార్హం. వీరిలో ఓటు హక్కు లేని వారు కూడా ఉన్నారని తెలుస్తోంది. పార్టీకి ఉన్న ప్రజాప్రతినిధులు, ఓటు శాతం దృష్ట్యా సభ్యత్వ సంఖ్య ఆశించినంతగా లేకపోవడం పార్టీ నాయకత్వాన్ని ఆలోచనలో పడేసింది.
ప్రజాప్రతినిధులు(Public Representatives), అగ్రనాయకత్వం ఈ కార్యక్రమాన్ని అంతగా సీరియస్గా తీసుకోలేదన్న అభిప్రాయం కూడా పార్టీలో వినిపిస్తోంది. ఈ పరిస్థితుల్లో మరోసారి గడువు పెంచి లక్ష్యాన్ని చేరుకునేందుకు ప్రయత్నాలు ముమ్మరం చేయాలని పార్టీ భావిస్తున్నట్లు సమాచారం.
