సినిమాల్లో తన నటనతో ప్రేక్షకులను ఆకట్టుకునే రష్మిక మందన్నా(Rashmika Mandanna).. నిజ జీవితంలోనూ తన మంచి మనసును చాటుకుంది. 400 పేద కుటుంబాలకు (400 Poor Families) ఏడాది పాటు నిత్యావసర సరుకులు(Essential Commodities) అందించేందుకు ముందుకొచ్చింది. తన సేవా కార్యక్రమం వెనుక ఉన్న ఉద్దేశాన్ని వెల్లడిస్తూ ఆమె చేసిన వ్యాఖ్యలు ఆసక్తికరంగా మారాయి.
విజయ్ దేవరకొండ(Vijay Deverakonda), రష్మిక మందన్నా(Rashmika Mandanna) జంటగా నటించిన పీరియాడిక్ యాక్షన్ చిత్రం ‘రణబాలి’(Ranabaali) అక్టోబర్ 16న విడుదల కానుంది. రాహుల్ సంకృత్యాన్(Rahul Sankrityan) దర్శకత్వం వహించిన ఈ సినిమాలో రష్మిక ‘జయమ్మ’ పాత్రలో కనిపించనుంది. ఈ పాత్ర నుంచి స్ఫూర్తి పొంది ఆమె ‘అన్నపూర్ణ’(Annapurna) పేరుతో సేవా కార్యక్రమాన్ని ప్రారంభించింది.
ఈ కార్యక్రమంలో భాగంగా 8 ప్రాంతాలకు చెందిన 400 పేద కుటుంబాలకు నిత్యావసర సరుకులు అందించింది. ఈ సహాయాన్ని ఏడాది పాటు కొనసాగిస్తూ, ప్రతి మూడు నెలలకు ఒకసారి సరుకులు పంపిణీ చేయాలని నిర్ణయించింది.
తన సేవా కార్యక్రమాల గురించి రష్మిక మాట్లాడుతూ.. అభిమానులు తనపై చూపిస్తున్న ప్రేమకు కృతజ్ఞతగా చాలా కాలంగా ఇలాంటి సహాయ కార్యక్రమాలు చేపడుతున్నానని తెలిపింది. అయితే, ప్రచారం కోసం కాకుండా సాయం చేయాలనే ఉద్దేశంతో ఇప్పటివరకు ఈ విషయాలను బయటకు చెప్పలేదని వెల్లడించింది.
తన కార్యక్రమం గురించి తెలుసుకుని కనీసం మరో పదిమంది స్ఫూర్తి పొందినా సంతోషమేనని పేర్కొంది. 400 కుటుంబాలకు నిత్యావసర సరుకులు అందించడం ద్వారా, వారు ఆ ఖర్చు కోసం వెచ్చించే డబ్బును ఇతర అవసరాలకు ఉపయోగించుకోగలరని ఆశిస్తున్నట్లు తెలిపింది. తెరపై ప్రేక్షకులను అలరిస్తూనే, నిజ జీవితంలోనూ పేద కుటుంబాలకు అండగా నిలుస్తున్న రష్మిక నిర్ణయం ప్రశంసలు అందుకుంటోంది.
